„ვიზალიბერალიზაციის სამოქმედო გეგმის  ფარგლებში შრომის პირობების მონიტორინგის ნაწილი ჩვენ შევასრულეთ“, – ამის შესახებ ეკონომიკისა და მდგრადი განვიითარების მინისტრობის კანდიდატმა, გიორგი გახარიამ პარლამენტის სხდომაზე შრომითი  პირობების რეგულაციის შესახებ დასმული კითხვის საპასუხოდ განაცხადა.

საქართველოს ეკონომიკისა და მდგრადი განვითარების მინისტრობის კანდიდატის, გიორგი გახარიას ინფორმაციით, საქართველოს პრემიერ–მინისტრის დავალებით შეიქმნება სპეციალური ჯგუფი, რომელიც რეგიონების განვითარებას შორის არსებული დისბალანსის აღმოფხვრის საკითხებზე იმუშავებს. ამის შესახებ გახარიამ საქართველოს პარლამენტში მიმდინარე სესიაზე განაცხადა,  სადაც დეპუტატები საქართველოს მთავრობისთვის ნდობის გამოცხადების შესახებ მსჯელობენ.

დაბალი რისკისა და გათავისუფლებისთვის მომზადების პენიტენციურ დაწესებულებებში მყოფ მსჯავრდებულებს, სურვილის შემთხვევაში, საშუალება მიეცემათ სასჯელის მოხდის პერიოდში, უმაღლესი განთლება დისტანციურად მიიღონ, - აღნიშნულის შესახებ სასჯელაღსრულებისა და პრობაციის მინისტრობის კანდიდატმა კახა კახიშვილმა პარლამენტის რიგგარეშე სესიაზე ისაუბრა, სადაც მთავრობისა და სამთავრობო პროგრამისთვის ნდობის გამოცხადების საკითხს განიხილავენ.

„ორი დღეა ვაკვირდები თქვენს სტილს და პირდაპირ ვამბობ, არანაირ პოლიტიკურ ჩარჩოებში არ ჯდება“, - ასე უპასუხა პრემიერ-მინისტრობის კანდიდატმა გიორგი კვირიკაშვილმა „ნაციონალური მოძრაობის“ წევრ ნიკა მელიას, რომელმაც იუსტიციის მინისტრი სასამართლოზე ზეწოლაში დაადანაშაულა.

მაღალჩინოსნებთან დაკავშირებულ პროცესებში არ ვერევით, ეს მთლიანად პროკურატურის და სასამართლოს პრეროგატივაა, - ასე უპასუხა პრემიერ-მინისტრობის კანდიდატმა გიორგი კვირიკაშვილმა დეპუტატ გედევან ფოფხაძის შეკითხვას, რომელიც წინა ხელისუფლების იმ მაღალჩინოსნების საკითხით დაინტერესდა, რომლებიც მართლმსაჯულების წინაშე არ წარმდგარან.   

პრემიერ-მინისტრობის კანდიდატის, გიორგი კვირიკაშვილის განცხადებით, ქვეყნის განვითარების ოთხპუნქტიანი გეგმის უპირველესი პრიორიტეტი განათლების სისტემაში ძირეული ცვლილებების განხორციელება იქნება.

დღეს საქართველოს ციხეებში არიან თუ არა პოლიტიკური პატიმრები-„ნაციონალური მოძრაობის“ წევრის, ირმა ნადირაშვილის ეს შეკითხვა „თავისუფალი დემოკრატების“ ყოფილმა წევრმა, ევროინტეგრაციის საკითხებში სახელმწიფო მინისტრობის კანდიდატმა ვიქტორ  დოლიძემ უპასუხოდ დატოვა.

„ბატონო გიორგი, მომესმა თუ თქვენ თქვით, რომ "საქმეს კარგად არ ვიცნობ და "რუსთავი 2"-ის საქმეში არ ჩამიხედია", კითხვა მაქვს, რატომ არ იცნობთ?!“, - ასე მიმართა "ნაციონალური მოძრაობის" დეპუტატმა გიგა ბოკერიამ, პრემიერ-მინისტრის მოვალეობის შემსრულებელს გიორგი კვირიკაშვილს "რუსთავი 2"-თან მიმართებაში გაკეთებულ განცხადებასთან დაკავშირებით.

საქართველოს პრემიერ-მინისტრობის კანდიდატის გიორგი კვირიკაშვილის განცხადებით, 2017 წლის ბიუჯეტში პენსიის ზრდა გათვალისწინებული არ არის და ეს არც დაუმალიათ.

საქართველოს პრემიერ-მინისტრობის კანდიდატ გიორგი კვირიკაშვილს ლარის კურსის გაუფასურების საკითხზე განმარტებების გაკეთება კვლავ მოუწია.

საქართველოს პრემიერ-მინისტრობის კანდიდატის გიორგი კვირიკაშვილის მტკიცებით, ტელეკომპანია „რუსთავი2“-ის საკითხის გადაწყვეტაში სასამართლო დამოუკიდებელია.

საქართველოს პრემიერ-მინისტრობის კანდიდატის გიორგი კვირიკაშვილის განცხადებით, საპარლამენტო უმცირესობის წევრის ზურაბ ჭიაბერაშვილის მონაცემები ეკონომიკურ ზრდასთან დაკავშირებით არაზუსტია.  კვირიკაშვილის განმარტებით, 2017 წელს არა 3.4 %, არამედ 4%-იან ზრდაზეა საუბარი:

ხომ არ გეჩვენებათ, რომ თქვენი წინასაარჩევნო ლოზუნგი სწრაფი განვითარების შესახებ ძალიან ცინიკურად ჟღერს?!, - ასე მიმართა "ნაციონალური მოძროაბის" დეპუტატმა ზურაბ ჭიაბერაშვილმა, პრემიერ მინისტრის მოვალეობის შემსრულებელს გიორგი კვირიკაშვილს პარლამენტის დღევანდელ რიგგარეშე სხდომაზე.