გუშინ ვეტერანების საქმეთა სახელმწიფო სამსახურის დირექტორმა ირაკლი შიხიაშვილმა თანამდებობა დატოვა. უკვე მეორე დღეა, უწყება ხელმძღვანელის გარეშეა, არ ჰყავს დირექტორის მოვალეობის შემსრულებელიც, რის გამოც საქმის წარმოება თითქმის პარალიზებულია.
ტოლერანტობის და მრავალფეროვნების ინსტიტუტი [TDI] ლევან იზორიას ქსენოფობიურ განცხადებას ეხმაურება. განცხადებაში ნათქვამია, რომ მსგავსი შინაარსისა და რიტორიკის განცხადებები საჯარო მოხელის, მაღალი თანამდებობის პირის მიერ ქსენოფობიური პოლიტიკის დეკლარირებაა.
საქართველოს პრემიერ–მინისტრმა გიორგი კვირიკაშვილმა დიდი ბრიტანეთისა და ჩრდილოეთ ირლანდიის გაერთიანებული სამეფოს საგარეო საქმეთა სახელმწიფო მდივანს ფილიპ ჰემონდს სამუშაო სადილზე უმასპინძლა. შეხვედრას საქართველოს მთავრობის სხვა წევრებთან ერთად თავდაცვის მინისტრი თინათინ ხიდაშელი დაესწრო.
უნგრეთის პარლამენტის თავმჯდომარის ლასლო კოველის განცხადებით, საქართველო უკვე მომწიფებულია და ევროკავშირთან უვიზო რეჟიმის მისაღებად მზად არის.
საქართველოს პრეზიდენტი გიორგი მარგველაშვილი ვაშინგტონში ბირთვული უსაფრთხოების სამიტის მუშაობაში მიიღებს მონაწილეობას.
„ეკონომიკური ფართო პარტნიორობის მშენებლობა არის ჩვენი ურთიერთობის შემდგომი ნაბიჯი, ჩვენ გვაქვს ბრწყინვალე პოლიტიკური ურთიერთობები“, - ამის შესახებ პრემიერმინისტრმა გიორგი კვირიკაშვილმა ბრიტანეთისა და ჩრდილოეთ ირლანდიის გაერთიანებული სამეფოს საგარეო საქმეთა სახელმწიფო მდივანთან, ფილიპ ჰამონდთან შეხვედრის შემდეგ გამართულ ერთობლივ პრესკონფერენციაზე განაცხადა.
„ჩვენ განსაკუთრებულ მნიშვნელობას ვანიჭებთ თქვენს ვიზიტს საქართველოში და მას გაერთიანებული სამეფოს მხრიდან ჩვენი ქვეყნისადმი მკაფიო მხარდაჭერად განვიხილავთ“, - ასე მიმართა საქართველოს პრემიერ-მინისტრმა გიორგი კვირიკაშვილმა დიდი ბრიტანეთისა და ჩრდილოეთ ირლანდიის გაერთიანებული სამეფოს საგარეო საქმეთა და თანამეგობრობის სახელმწიფო მდივან ფილიპ ჰემონდს მთავრობის ადმინისტრაციაში დღეს გამართულ შეხვედრაზე.
News Agency ExpressNews - ექსპრესნიუსი
Epn.ge
Lifestyle News & More
epn.ge (@expressnews.ge)
