2024-10-03 13:23:36, 420 ნახვა
მსოფლიო
ისრაელის სამხედრო ავიაციამ სირიის საპორტო ქალაქ ჯაბლაში იარაღის საწყობი დაბომბა
ისრაელის სამხედრო ავიაციამ სირიის საპორტო ქალაქ ჯაბლაში იარაღის საწყობი დაბომბა. ამის შესახებ ინფორმაციას The Times Of Israel-ი ავრცელებს.
მედიის ცნობით, სირიის საჰაერო თავდაცვა ლატაკიის რაიონში "სამიზნეების" წინააღმდეგ მუშაობდა.
მათივე ინფორმაციით, ქალაქი ჯაბლა ლატაკიის რეგიონში, ხმეიმის ავიაბაზასთან მდებარეობს, რომელსაც ამ დროისთვის რუსეთი მართავს.
"აღკვეთილი იქნება "ჰეზბოლასთვის“ ლიბანში იარაღის გადაზიდვის ყველა მცდელობა, რომლის მიწოდება ხშირად სირიის გავლით ხდება",- განაცხადეს ისრაელის თავდაცვის ძალებში.
დაშავებულების შესახებ ინფორმაცია ჯერჯერობით არ ვრცელდება.
ავტორი: ექსპრესნიუსი,
epn.ge (@expressnews.ge)
