„ეს ბიჭი არის სრულიად არაადეკვატური, აღქმა არ აქვს რეალობის“, - ამის შესახებ პარლამენტის წევრმა, ეკა ბესელიამ ჟურნალისტებთან საუბრისას განაცხადა.

ბესელიამ აღნიშნა, რომ ირაკლი კობახიძეს სხდომის წაყვანა აღარ უნდა ანდონ.

ამასთან, მისივე განმარტებით, რეგლამენტში არ წერია, რომ პარლამენტის თავმჯდომარეს, ბატონო ირაკლითი უნდა მიმართო.

„ეს ბიჭი არის სრულიად არაადეკვატური, აღქმა არ აქვს რეალობის. შეუძლია არაფრისგან შექმნას სკანდალური სურათი და არაფრისგან შექმნას კონფლიქტები, რომ მე სხვა მსგავსი მაგალითის მოყვანა არ შემიძლია. უბრალოდ არ შეუძლია მართვა პროცესის. მართლა მშვიდად ვაპირებდი პროცედურებთან დაკავშირებით პოზიციის გამოხატვას, იმიტომ რომ მეორე დღეა ვითხოვ ჩვენი კანონპროექტის დღის წესრიგში ჩასმას. ამ კანონპროექტს ხომ საგულდაგულოდ მალავენ და ბიუროს სხდომას არ იწვევს. ჯერ ხომ დააგვიანა კენჭისყრაზე და ყველა ველოდით, მერე აბსურდული რაღაცები ილაპარაკა რეგლამენტზე. ჯერ ერთი რეგლამენტში არ წერია, რომ ბატონო ირაკლითი უნდა მიმართო პარლამენტის თავმჯდომარეს, როგორმე მე ამდენი ეთიკა და კულტურა მაქვს ვის როგორ უნდა მივმართო. ეს ნამდვილად არ წერია. მაგრამ ის ნამდვილად წერია რასაც არღვევს ყველა ფეხის ნაბიჯზე“, - აღნიშნა ეკა ბესელიამ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

Bloomberg: დიდი ბრიტანეთი დაბალფასიან, შორი მოქმედების იარაღს ავითარებს, რომლის გამოყენებაც უკრაინაში შეიძლება

ტრამპმა კვლავ გააკრიტიკა იტალიის პრემიერ-მინისტრი

2019 წლის 20 ივნისის მოვლენების წლისთავზე საპროტესტო აქცია გაიმართება

საქართველოში მსუბუქი ავტომობილების იმპორტი ოთხწლიან მინიმუმამდე დაეცა