არ დავეთანხმები პარლამენტის თავმჯდომარეს, რომ კანონპროექტიდან მოსამართლეთა საკვალიფიკაციო გამოცდის საკითხის ამოღება მოხდება, - ამის შესახებ იუსტიციის უმაღლესი საბჭოს თავმჯდომარე გიორგი მიქაუტაძემ ჟურნალისტებს განუცხადა.

როგორც მიქაუტაძემ აღნიშნა, იუსტიციის უმაღლეს საბჭოს აქვს ძალიან ცოტა რესურსი, იმისთვის, რომ მოსამართლეობის კანდიდატთა შესაძლებლობები შეაფასოს.

„არ დავეთანხმები პარლამენტის თავმჯდომარეს, რომელმაც აღნიშნა, რომ მოსამართლეთა საკვალიფიკაციო გამოცდა იქნება ამოღებული. ჩვენ გვაქვს ერთადერთი მექანიზმი, გასაუბრება, რომელიც ნახევარი საათი გრძელდება და მოგვიწევს შევაფასოთ კანდიდატის კვალიფიკაცია ნახევარ საათში, რაც ვფიქრობ არარეალურია. დასაბუთებას ვერ ვიგებ, რატომ შეიძლება უზენაესი სასამართლოს მოსამართლეობა სურდეს ადამიანს და არ სურდეს საკვალიფიკაციო გამოცდა. თუ კანონი ძალაში შევა და გამოცდები გაუქმდება, დავემორჩილებით კანონს. ვიღებ იმ ძალინ დიდ პასუხისმგებლობას, რომელიც გვეკისრება უზენაესი სასამართლოს მოსამართლეების წარდგენის პროცესში. ზუსტად ამიტომ, ჩვენ ვითხოვთ, რომ გვქონდეს დამატებითი ინსტრუმენტი საკვალიფიკაციო გამოცდის სახით, რომ კანდიდატის კომპეტენცია შევაფასოთ“, - განაცხადა მიქაუტაძემ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

Bloomberg: დიდი ბრიტანეთი დაბალფასიან, შორი მოქმედების იარაღს ავითარებს, რომლის გამოყენებაც უკრაინაში შეიძლება

ტრამპმა კვლავ გააკრიტიკა იტალიის პრემიერ-მინისტრი

2019 წლის 20 ივნისის მოვლენების წლისთავზე საპროტესტო აქცია გაიმართება

საქართველოში მსუბუქი ავტომობილების იმპორტი ოთხწლიან მინიმუმამდე დაეცა