2019-04-11 15:23:32, 1539 ნახვა
პოლიტიკა
ზარდიაშვილი: საზოგადოება „ბესელიობანათი“ დაიღალა
საზოგადოება „ბესელიობანათი“ დაიღალა, - ამის შესახებ საპარლამენტო უმრავლესობის წევრმა ვანო ზარდიაშვილმა ჟურნალისტებს განუცხადა.
მან საზოგადოებას მასსა და ეკა ბესელიას შორის არსებული დაპირისპირების გამო ბოდიში მოუხადა.
„ბოდიშს მოვუხდი, როგორც ჟურნალისტებს, ასევე საზოგადოებას იმიტომ, რომ „ბესელიობანით“ საზოგადოება დაიღალა. არ ვაპირებ მის კომენტარებზე კომენტარების კეთებას და ვიქნები საქმეზე ორიენტირებული. მიუხედავად იმისა, რომ „რუსთავი 2"-ს უნდა, რომ რატომღაც ქალბატონმა ეკა ბესელიამ იტივტივოს პოლიტიკურ ველზე, მე გეუბნებით თქვენც, საზოგადოებას ვუხდი ბოდიშს, თუნდაც იმ მოვლენებზე, რაც ჩემსა და ბესელიას შორის ხდებოდა. საზოგადოება დაღლილია ბესელიათი და მსგავსი პოლიტიკური ფიგურებით“, -განაცხადა ვანო ზარდიაშვილმა.
(NS)
ავტორი: ელენე გვიმრაძე, ექსპრესნიუსის რეპორტიორი 2018 წლიდან
epn.ge (@expressnews.ge)
