საგარეო საქმეთის სამინისტროს წარომადგენელმა ვლადიმერ კონსტანტინიდმა ესპანეთში ჩატარებული სპეცოპერაციის მინისტრ დავით ზალკალიანის ვიზიტთან დაკავშირებას, "ღრმად არასერიოზული პასაჟი" უწოდა.

ამის შესახებ კონსტანტინიდმა უწყებაში გამართულ ბრიფინგზე განაცხადა. 

"თქვენ როგორ წარმოგიდგენიათ დავით ზალკალიანს ან რომელიმე მინისტრს, აქვს ის უფლებამოსილება ჩავიდეს ქვეყანაში და გარკვეული პერიოდით ადრე დაგეგმილ სპეცოპერაციაზე რაიმე ზემოქმედება მოახდინოს?! კომენტარის გაკეთებაც კი უხერხულია. ასეთ ინფორმაციას ჩვენ ვერანაირად ვერ მივიღებთ, რადგან მსგავსი ოპერაციები იგეგმება სამართალდამცავი სტრუქტურების მიერ, მკაცრად კონფიდენცალურ რეჟიმში. წინასწარ თუ გამოაცხადეს, რომ ჩვენ ვგეგმავთ ადამიანების დეპორტაციას, ბუნებრივია ამას ვერ განახორციელებენ", - განაცხადა უწყების წარმომადგენელმა. 

ცნობისთვის, ესპანეთის ქალაქ ბარსელონაში, საერთაშორისო საპოლიციო თანამშრომლობის შედეგად, ქართველი სამართალდამცველების მონაწილეობით მასშტაბური სპეცოპერაცია „მერლინ-ტაკა“ჩატარდა, რომელშიც 250 სამართალდამცველი მონაწილეობდა. როგორც საქართველოს შინაგან საქმეთა მინისტრის მოადგილე ვლადიმერ ბორცვაძემ განაცხადა, სპეცოპერაციის შედეგად დაკავებულია სხვადასხვა ქვეყნის 100-ზე მეტი მოქალაქე, მათ შორის საქართველოს 25 მოქალაქე, რომლებსაც ბრალად საცხოვრებელი ბინების გაქურდვა და ორგანიზებული დანაშაულებრივი ჯგუფის წევრობა ედებათ.

ავტორი: ექსპრესნიუსი,

სოციალური ქსელები

კობახიძე - სიძულვილის ენის წინააღმდეგ ბრძოლის სამმართველო შეასრულებს განსაკუთრებულ როლს, რომ თავი დავიცვათ სიძულვილისგან, აგრესიისგან

სიკორსკი ზელენსკიზე ორდენის ჩამორთმევაზე - ისტორიულ-ორდენების ომის გამარჯვებული შეიძლება იყოს მხოლოდ მოსკოვი

ტუსკი ზელენსკითვის თეთრი არწივის ორდენის ჩამორთმევაზე - პუტინს ახარებს და შოკში აგდებს ჩვენს მოკავშირეებს

ბუდანოვმა ნავროცკის გადაწყვეტილების შემდეგ პოლონეთიდან ჯილდო დააბრუნა