ნაძალადევის რაიონში რეკრეაციული სივრცეების მოწყობა გრძელდება

2018-09-28 16:47:32, 1002 ნახვა

საზოგადოება

ნაძალადევის რაიონში რეკრეაციული ზონების მოწყობა გრძელდება. ერთ-ერთი პროექტი ჭყონდიდელის ქ. N20ა-ში, დევნილთა დასახლებაში განხორციელდა.

აღნიშნულ მისამართზე კაუჩუკის მოედანზე ატრაქციონები დამონტაჟდა, ასევე, საბაღე სკამები და სანაგვე ურნები განთავსდა. საბავშვო გასართობი მოედნის გვერდით დასასვენებელი პავილიონიც მოეწყო.

შესრულებული სამუშაოები ნაძალადევის რაიონის გამგებელმა ირაკლი ხელაძემ, პარლამენტის მაჟორიტარმა დეპუტატმა სოფო კილაძემ და თბილისის საკრებულოს მაჟორიტარმა დეპუტატმა მიხეილ ამაშუკელმა დაათვალიერეს.

„დევნილთა დასახლებაში რეკრეაციული სივრცის მოწყობა დავასრულეთ. მიმდებარე ტერიტორიაზე აქამდე მსგავსი ადგილი არასდროს ყოფილა. გასართობი მოედნით და დასასვენებელი პავილიონით გარშემო მდებარე რამდენიმე კორპუსის მცხოვრებლებიც ისარგებლებენ. წელს განსხვავებულ საბავშვო ატრაქციონებს ვაწყობთ, ყველა კონსტრუქცია ხისგან არის დამზადებული და მოედნები შშმ პირებისთვის ადაპტირებულია, რაც ძალიან კარგი ინიციატივაა“, - განაცხადა ნაძალადევის რაიონის გამგებელმა.

ნაძალადევის რაიონის გამგეობის დაფინანსებით, აღნიშნული მისამართის გარდა, მსგავსი პროექტი ზღვის უბნის მე-4 კვარტალში, N7 კორპუსის მიმდებარედ და ასევე, ბენდელიანის ქ. N12-ში განხორციელდა.

ამ ეტაპზე სამუშაოები კიდევ ორ მისამართზე მიმდინარეობს - ქსნის ქ. N12-ში და ზღვის უბნის მე-3 მიკრორაიონის მე-2 კვარტალში, სადაც საბავშვო მოედნების მოწყობა ოქტომბერში დასრულდება.

(NS)

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები