მთაწმინდის რაიონში, შინდისში, სამკილომეტრიანი წყლის მაგისტრალური და გამანაწილებელი ქსელის მშენებლობა დაიწყო.

სამუშაოებს თბილისის მერი კახა კალაძე, მოადგილე ირაკლი ბენდელიანთან და მთაწმინდის რაიონის გამგებელ დავით კირკიტაძესთან ერთად გაეცნო.

მერიის ცნობით, ქსელის მოწყობას, რომელსაც შპს „ბილდინგ დეველოპერი“ ახორციელებს, მთაწმინდის გამგეობა აფინანსებს. აღნიშნული სამუშაოების შესრულებისთვის ადგილობრივი ბიუჯეტიდან 570 ათასი ლარია გამოყოფილი.

„შინდისში სასმელი წყლის გამანაწილებელი ქსელის მოწყობის სამუშაოები მიმდინარეობს. აქ დაახლოებით, 150 ოჯახი ცხოვრობს, რომელთაც არასდროს ჰქონიათ იმის შესაძლებლობა, რომ სასმელი წყალი მიწოდებოდათ. ამიტომ, ეს პროექტი აქ მცხოვრები მოქალაქეებისთვის ძალიან მნიშვნელოვანია. სამუშაოები - ცენტრალური მაგისტრალი, დაქსელვა, დაერთება დეკემბერში დასრულდება, რათა ადგილობრივი მოსახლეობა წყლით უზრუნველყოფილი იყოს“, - განაცხადა კახა კალაძემ.

მშენებლობისთვის შესაბამისი პროექტი მოამზადა და მთაწმინდის გამგეობას საჩუქრად კომპანია „ჯორჯიან უოთერ ენდ ფაუერმა“ (GWP) გადასცა, რომელიც მიმდინარე სამუშაოებს, თბილისის მუნიციპალურ ლაბორატორიასთან ერთად, ზედამხედველობას გაუწევს.  

შინდისის წყლით უზრუნველყოფის საკითხზე მუშაობა ქალაქის მთავრობამ მოსახლეობის თხოვნის გათვალისწინებით დაიწყო. აღსანიშნავია, რომ მსგავსი მიწისქვეშა კომუნიკაცია დასახლებაში ამ დრომდე არ არსებობდა, რის გამოც მოსახლეობა იძულებულები იყო წყალი გადამზიდი ავზებიდან  გაცილებით ძვირად შეეძინა.

წყლის მაგისტრალური და გამანაწილებელი ქსელის მშენებლობა შინდისში წლის ბოლოს დასრულდება. პროექტი წყალმომარაგებით 100-ზე მეტ ოჯახს უზრუნველყოფს.

სამუშაოებს მერთან ერთად, თბილისის საკრებულოს მაჟორიტარი დეპუტატი ჯაბა ჯიშკარიანი, ასევე, პარლამენტის მაჟორიტარი დეპუტატები - ბექა ოდიშარია და ირაკლი აბუსერიძე გაეცნენ. 

(NS)

ავტორი: ,

სოციალური ქსელები

კობახიძე - ყველანაირი ფასი აქვს დაკარგული ევროპარლამენტის რეზოლუციებს

კობახიძე - სიძულვილის ენის წინააღმდეგ ბრძოლის სამმართველო შეასრულებს განსაკუთრებულ როლს, რომ თავი დავიცვათ სიძულვილისგან, აგრესიისგან

სიკორსკი ზელენსკიზე ორდენის ჩამორთმევაზე - ისტორიულ-ორდენების ომის გამარჯვებული შეიძლება იყოს მხოლოდ მოსკოვი

ტუსკი ზელენსკითვის თეთრი არწივის ორდენის ჩამორთმევაზე - პუტინს ახარებს და შოკში აგდებს ჩვენს მოკავშირეებს