„პარტია „გირჩი“ განათლების სისტემის ფუნდამენტური ცვლილებისთვის იწყებს ბრძოლას“, - ამის შესახებ პარტიის ლიდერმა და პრეზიდენტობის კანდიდატმა, ზურაბ ჯაფარიძემ, დღეს გამართულ ბრიფინგზე ისაუბრა.

ჯაფარიძის განარტებით,  სახელმწიფო განათლების სისტემის ალერნატიულ სასწავლო პროგრამას თავისუფალი განათლება ერქმევა.

ამასთან, ჯაფარიძის თქმით, ეს პროგრამა არ დაემორჩილება არცერთ სახელმწიფო რეგულაციას და თავისი მიმართულება ექნება.

„ჩვენ „გირჩელებს“ გვყავს შვილები, ჩვენ გვიყვარს ჩვენი შვილები და ჩვენ არ ვაპირებთ, რომ ჩვენი შვილები მივანდოთ ამ სისტემას, ამიტომ, ჩვენ ვიწყებთ „გირჩის“ ისტორიაში, ალბათ, ყველაზე მასშტაბურ პროექტს, რომელსაც პირობითი სახელწოდება აქვს - თავისუფალი განათლება და ჩვენ შევქმნით ამ ქვეყანაში არსებული სახელმწიფო განათლების სისტემის ალტერნატიულ განათლების სისტემას. ეს იქნება თავისუფალი განათლების სისტემა“, - აღნიშნა ჯაფარიძემ.

 ასევე, ზურაბ ჯაფარიძის განცხადებით, დღეს განათლების მინისტრისა და მთავრობის სხვა წარმომადგენლების მიერ გამართულ პრეზენტაციაზე კარგად გამოიკვეთა ის მთავარი პრობლემები, რომლის წინაშეც განათლების სისტემა დგას.

„მთავარი პრობლემა, რომელიც არ ესმის არც პრემიერმინისტრს, არც მთავრობის წევრებს და, მათ შორის, არც განათლების მინისტრს, არის ის, რომ მანამ, სანამ ქვეყანაში არსებობს ერთიანი უნიფიცირებული სისტემა, სადაც ადამიანების, ბიუროკრატების ჯგუფი ერთი სამინისტროს შიგნით წყვეტს, როგორი უნდა იყოს განათლება და რა არის განათლება, როგორც პროდუქტი და ისინი განსაზღვრავენ, როგორ უნდა მოამზადონ ბავშვები მომავლისთვის, რომლის პროგნოზირებაც არავის არ შეუძლია, მანამდე ეს პრობლემები იარსებებს“, - განაცხადა ზურაბ ჯაფარიძე.

ახალ პროექტთან დაკავშირებით დამატებითი დეტალების გაჟღერება ჯაფარიძემ ორშაბათს, 17 სექტემბერს დანიშნულ პრეზენტაციაზე დააანონსა. 

ავტორი: ,

სოციალური ქსელები

კობახიძე - ყველანაირი ფასი აქვს დაკარგული ევროპარლამენტის რეზოლუციებს

კობახიძე - სიძულვილის ენის წინააღმდეგ ბრძოლის სამმართველო შეასრულებს განსაკუთრებულ როლს, რომ თავი დავიცვათ სიძულვილისგან, აგრესიისგან

სიკორსკი ზელენსკიზე ორდენის ჩამორთმევაზე - ისტორიულ-ორდენების ომის გამარჯვებული შეიძლება იყოს მხოლოდ მოსკოვი

ტუსკი ზელენსკითვის თეთრი არწივის ორდენის ჩამორთმევაზე - პუტინს ახარებს და შოკში აგდებს ჩვენს მოკავშირეებს