2015-05-18 11:59:12, 367 ნახვა
საზოგადოება
რუსთავის გზატკეცილზე მომუშავე მუშები ხელფასის გაზრდის მოთხოვნით გაიფიცნენ
რუსთავის გზატკეცილის მშენებლობაზე მომუშავე მუშები კომპანია „სინჰიდრო კორპორეიშენ ლიმიტედს“ ხელფასის გაზრდას სთხოვენ.
გაფიცულებს კომპანიის წარმომადგენლები შეხვდნენ, თუმცა ხელფასის გაზრდაზე შეთანხმება ვერ მოახერხეს. „სინჰიდროს“ წარმომადგენლების თქმით, საკითხის გადასაწყვეტად მათ ვადა 20 მაისამდე ითხოვეს, რადგან ფინანსურ საკითხებზე სათავო ოფისს უნდა მოელაპრაკონ.
როგორც მუშები აცხადებენ, მათი ყოველდღიური ანაზღაურება 21 ლარია და ამ თანხის გაზრდას ისინი მინიმუმ 30 ლარამდე ითხოვენ. „კურიერთან“ საუბრისას მუშებმა განაცხადეს, რომ დოლარის კურსის ცვლილების გამო ხელფასი მათთვის არასაკმარისია, ამიტომ მის გაზრდამდე სამსახურში მისვლას არ აპირებენ.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
