მოსწავლესთან სქესობრივი კავშირის დამყარებაში ბრალდებულ ყოფილ მანდატურს აღკვეთის სახით, გირაო შეეფარდა

2017-01-26 18:30:50, 2428 ნახვა

პოლიტიკა სამართალი

16 წელს მიუღწეველთან სქესობრივი კავშირის დამყარებაში ბრალდებულ თერჯოლის N1 საჯარო სკოლის ყოფილ მანდატურს სასამართლომ აღკვეთის ღონისძიების სახით, 10 000 ლარიანი გირაო შეუფარდა.

პროკურატურა მისთვის პატიმრობის გამოყენების ითხოვდა, თუმცა აღნიშნული შუამდგომლობა არ დაკმაყოფილდა.

ყოფილ მანდატურს ბრალი საქართველოს სისხლის სამართლის კოდექსის 140-ე მუხლით აქვს წაყენებული, რაც 16 წელს მიუღწეველთან წინასწარი შეცნობით სქესობრივ კავშირს გულისხმობს.

„გამოძიებით დადგინდა, რომ თერჯოლის N1 საჯარო სკოლის მანდატურმა კ. ფ.-მ 2016 წლის სექტემბრის დასაწყისში, მეზობელი და იმავე სკოლის მოსწავლე, 15 წლის გოგონა სოციალური ქსელის საშუალებით შეხვედრაზე დაითანხმა და დაუსახლებელ ადგილზე, მასთან დაამყარა სქესობრივი კავშირი. სამართალდამცველებმა კ. ფ. სასამართლოს განჩინების საფუძველზე დააკავეს. პროკურატურამ მისთვის აღკვეთის ღონისძიების სახით დაპატიმრების გამოყენების მოთხოვნით სასამართლოს უკვე მიმართა“,-ნათქვამია მთავარი პროკურატურის მიერ გავრცელებულ ინფორმაციაში.

ბრალის დამტკიცების შემთხვევაში, ყოფილ მანდატურს შვიდიდან - ცხრა წლამდე თავისუფლების აღკვეთა ემუქრება.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან