შინაგან საქმეთა სამინისტრომ, მოზარდებში მართლწესრიგის საკითხებზე ცნობიერების ამაღლების მიზნით, 24-25 დეკემბერს „თბილისი მოლში“ იმიტირებული „უსაფრთხო ქალაქი“ მოაწყო.

შსს-ს ინფორმაციით, იმიტირებულ ქალაქში შსს-ს მომსახურების სააგენტოს, დაცვის პოლიციის და „112“-ის თანამშრომლებმა ბავშვებს და მოზრდილებს უამრავი სიურპრიზი დაახვედრეს:

მათივე ცნობით, შსს-ს დაცვის პოლიციის დეპარტამენტმა, „უსაფრთხო ქალაქში“ „დაცული სახლი“ წარმოადგინა, სადაც მოზარდებს სხვადასხვა საინტერესო შემეცნებითი კონკურსი შესთავაზა. ასევე, მოეწყო სახატავი კუთხე და დარიგდა სუვენირები. პატარებს საშუალება ჰქონდათ, დაცვის პოლიციელის ფორმაში ფოტოებიც გადაეღოთ. „დაცული სახლის“ ტერიტორიაზე ბავშვებს ანიმატორები ართობდნენ.

შსს-ს მომსახურების სააგენტოს თანამშრომლებმა 5-დან 12 წლამდე ასაკის ბავშვებს, ველოსიპედის მართვის უფლების მოსაპოვებლად, სახალისო თეორიული და პრაქტიკული გამოცდები ჩაუტარეს.

 მოზარდებს შსს-ს საგზაო მოძრაობის უსაფრთხოების კამპანიის სახემ, ევროპის ჩემპიონმა ძარიანი ავტომობილებით რბოლაში, დათა ქაჯაიამ უმასპინძლა და მოძრაობის უსაფრთხოების წესები გააცნო.

სპორტულ ზონაში, შსს-ს საგზაო მოძრაობის უსაფრთხოების ბანერის წინ, განთავსდა სპეციალური კვარცხლბეკი, სადაც სტუმრებს სამახსოვრო ფოტოების გადაღების საშუალება ჰქონდათ.

შსს-ს გადაუდებელი დახმარების ოპერატიული მართვის ცენტრმა წარმოადგინა საბავშვო პროექტი „კოსმოსური ხომალდი“, სადაც ბავშვებს „112“-ის ოპერატორები ფუტურისტული იმიჯით დახვდნენ და თანამედროვე ტექნოლოგიების გამოყენებით, სპეციალურად მათთვის შექმნილი კომპიუტერული თამაშები შესთავაზეს. ხომალდის კაპიტანმა გამარჯვებულებს უნივერსალური საშვები გადასცა, რომელთა საშუალებითაც ისინი ნამდვილ „112“-ში მოხვდებიან და პირადად ნახავენ, როგორ ეხმარებიან ცენტრის ოპერატორები გადაუდებელ სიტუაციაში მყოფ მოქალაქეებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს

რას პასუხობს საზოგადოებრივი მაუწყებელი სინდისის პატიმრების მშობლებს ეთერის მოთხოვნაზე