საკრებულოს სხდომა, სადაც დედაქალაქის მთავრობის წევრობის ახალ კანდიდატებს მხარი უნდა დაუჭირონ, ხმაურით მიმდინარეობს. 

ხმაური ფრაქცია "გაერთიანებული დემოკრატების" წევრის ზაზა ვეკუას განცხადებას მოჰყვა.

 ვეკუა "ნაციონალური მოძრაობის" წევრებს დაეთანხმა, რომ თბილისის  მერი დავით ნარმანია საკრებულოში უნდა მისულიყო.

ამასთან, ვეკუამ ფარქცია "ქართული ოცნების" წევრებს უუნარო უწოდა.

"ჩვენმა მოძრაობამ მოგიყვანათ ხელისუფლებაში, თუმცა უუნარო ხელისუფლება ხართ. "ნაციონალურ მოძრაობას" 9 წლიან მმართველობაზე პასუხი ვერ მოსთხოვეთ",-მიმართა  ზაზა ვეკუამ  ფრაქცია "ქართული ოცნების" წევრებს.

"ქართული ოცნების"  დეპუტატებმა კი, ნარმანიას საკრებულოს სხდომაზე მისვლის მოთხოვნა კანდიდატების მხარდაჭერის საკითხის პოლიტიზირებას დაუკავშირეს.

ცნობისთვის, საკრებულოს სხდომა "ნაციონალური მოძრაობის" წევრებმა პროტესტის ნიშნად დატოვეს. როგორც ისინი აცხადებენ, სხდომაზე დავით ნარმანია უნდა მისულიყო და დეპუტატებისთვის განემარტა, თუ რატომ გახდა საჭირო  მთავრობაში საკადრო ცვლილებების  განხორციელება.

საკრებულომ დავით ნარმანიას მიერ წარდგენილ თბილისის მთავრობის წევრობის ახალ კანდიდატებს კენჭი დღეს უნდა უყაროს. ნარმანიამ ვიცე–მერის პოსტზე დიმიტრი ქუმსიშვილის, მერის მეორე მოადგილედ ირაკლი ლექვინაძის კანდიდატურა დაასახელა. მერიის ადმინისტრაციის ხელმძღვანელად პაატა ჯაჭვლიანის, ტრანსპორტის საქალაქო სამსახურის უფროსის პოსტზე კი,  გიორგი გურგენიძის კანდიდატურა წარადგინა.   ამასთან, დავით ნარმანიამ ვაკის გამგებლად ლაშა აბაშიძის კანდიდატურა დაასახელა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

იოზვიაკი წერს, რა განიხილეს EU-ის მინისტრებმა დღევანდელ შეხვედრაზე საქართველოზე

ტრამპის თქმით, თუ ირანთან სამშვიდობო შეთანხმების მიღწევა არ მოხდება, მაშინ აშშ დაბომბვას განაახლებს

ტერიტორია დაატოვებინეს აქტივისტს, რომელიც კობახიძის ბრიფინგის პარალელურად, კანცელარიასთან, საპროტესტო წარწერით მივიდა

2026 წლის მასწავლებლის ეროვნულ ჯილდოზე განაცხადების მიღება დაიწყო - პროექტის მხარდამჭერი „საქართველოს ბანკია“