ნატო-საქართველოს ერთობლივი საწვრთნელი ცენტრის დაარსება შემოდგომისთვის იგეგმება.

ამის შესახებ თავდაცვის სამინისტროში გამართულ პრესკონფერენციაზე თავდაცვის მინსიტრის მოადგილე ლევან ღირსიაშვილმა განაცხადა.

მისივე თქმით, ნატო-ს შემფასებელთა ჯგუფის ვიზიტის დასრულების შემედეგ, წარმოდგენლი რეკომენდაციების შესაბამისად, ცენტრის ადგილმდებარეობის პროექტის ღირებულების  პირველადი მონახაზი ერთობლივად განისაზღვრება.

"ჩვენ ძალიან დიდ მნიშვნელობას ვანიჭებთ ნატოსა და მოკავშირეების აქტიურ ჩართულობას ცენტრის დაარსების პროცესში, რადგან ეს უმნიშვნელოვანესია დასახული მიზნების მისაღწევად, ნატოს შემფასებელთა ჯგუფის ვიზიტის დასრულების შემედეგ, წარმოდგენლი რეკომენდაციების შესაბამისად, ერთობლივად განისაზღვრება ცენტრის ადგილმდებარეობის პროექტის ღირებულების  პირველადი მონახაზი. დაახლოებით შემოდგომისთვის ვაპირებთ ცენტრის დაარსებას.ამ პროცესს სჭირდება გარკვეული პერიოდი.რაც შეეხება საფრთხეს, თუ რამდენად საფრთხის შემცველია, ვინაიდან მედიაში ჩნდება მოსაზრებები და ექსპერტების მხრიდანაც არის მოსაზრებები, რომ ეს ცენტრი შეიძლება ვინმესთვის საფრთხის შემცველი იყოს, ნატოს ასრებითი პაკეტით გათვალისწინებული ცენტრის დაარსება არ არის საფრთხის შემცველი,  რადგან ეს არ გახლავთ სამხედრო ბაზა",-განაცხადა ლევან ღირსიაშვილმა.

ცნობისთვის, საქართველოში ნატო-ს შემფასებელთა ჯგუფი იმყოფება. დელეგაციის ვიზიტის მიზანი ნატო-საქართელოს ერთობლივი წვრთნისა და შეფასების ცენტრისთვის ინფრასტრუქტურის შეფასებაა. დელეგაციის წევრები ვიზიტის ფარგლებში ვაზიანის საწვრთნელ ბაზასა და ეროვნულ ცენტრ კრწანისს მოინახულებენ და მათი დასკვნის საფუძველზე ცენტრის ადგილმდებარეობა განისაზღვრება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

იოზვიაკი წერს, რა განიხილეს EU-ის მინისტრებმა დღევანდელ შეხვედრაზე საქართველოზე

ტრამპის თქმით, თუ ირანთან სამშვიდობო შეთანხმების მიღწევა არ მოხდება, მაშინ აშშ დაბომბვას განაახლებს

ტერიტორია დაატოვებინეს აქტივისტს, რომელიც კობახიძის ბრიფინგის პარალელურად, კანცელარიასთან, საპროტესტო წარწერით მივიდა

2026 წლის მასწავლებლის ეროვნულ ჯილდოზე განაცხადების მიღება დაიწყო - პროექტის მხარდამჭერი „საქართველოს ბანკია“