პარლამენტის ვიცე–სპიკერი მანანა კობახიძე პარლამენტში პრეზიდენტის ყოველწლიურ მოხსენებაზე მთავრობის დასწრების აუცილებლობას ვერ ხედავს.  

როგორც კობახიძემ თემის კომენტირებისას ჟურნალისტებს განუცხადა, რეგლამენტი მთავრობის წევრებს არ ავალდებულებს, პრეზიდენტის ყოველწლიურ მოხსენებას დაესწრონ. 

ვიცე–სპიკერის თქმით, წინა პრეზიდენტისგან განსხვავებით, დღევანდელ პრეზიდენტს, სხვა უფლებამოსილებები აქვს. 

„მთავრობის წარმომადგენლების პრეზიდენტის ყოველწლიურ მოხსენებაზე დასწრებას რეგლამენტი არ ითვალისწინებს. პრეზიდენტი ყოველწლიური მოხსენებით გამოვა,  ალბათ მთავრობა არ იქნება იმიტომ, რომ ამ შემთხვევაში ეს პირდაპირ  რეგლამენტში გაწერილი არ არის და მითუმეტეს, დღევანდელი კონსტიტუციის პირობებში , როდესაც პრეზიდენტს აქვს სულ სხვა დატვირთვა, სხვა უფლებამოვალეობა, სხვა უფლებამოსილებები განსხვავებით იმისგან რაც ჰქონდა წინა მორბედს. განსაკუთრებული არაფერია იმაში, თუ მთავრობა არ მივა და არ დაესწრება. ეს არ უნდა იყოს აღქმული რაღაც ტიპის დემარშად“, – აღნიშნა კობახიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სუს-ის უფროსის პოსტზე მამუკა მდინარაძეს გელა გელაძე შეცვლის, შს მინისტრი სულხან თამაზაშვილი იქნება

კობახიძე: ქვეყანა სწორედ 2012 წლიდან დაადგა შეუქცევადი განვითარების გზას და იქცა სახელმწიფოდ, რომლის ამოსავალი წერტილი ადამიანია,

ფაშინიანი ხელახლა არჩევის შემთხვევაში სომხეთის სამოციქულო ეკლესიის დაბეგვრას გეგმავს

EBRD-ის, ADB-ისა და საქართველოს ბანკის თანამშრომლობით, რეგიონული კონფერენცია „Digital Trade for Growth in the Middle Corridor : Foundations, Finance and Adoption“ გაიმართა