2016-07-26 21:55:40, 1976 ნახვა
მსოფლიო
შვედეთის ერთ-ერთ სავაჭრო ცენტრში უცნობმა მამაკაცმა ცეცხლი გახსნა
შვედეთის ქალაქ მალმოს სავაჭრო ცენტრში უცნობმა შეიარაღებულმა მამაკაცმა ცეცხლი. ამის შესახებ ინფორმაციას "როიტერი" ავრცელებს.
სააგენტოს ცნობით, შემთხვევის შედეგად დაიჭრა ერთი ადამიანი, მათივე ცნობით, მალმოს პოლიციაში განაცხადეს, რომ მამაკაცი ფეხშია დაჭრილი და საავადმყოფოშია გადაყვანილი. მისი ჯანმრთელობის მდგომარეობა ამ დროისთვის უცნობია.
სამართალდამცველების ინფორმაციით, ჯერ კიდევ არ მომხდარა დამნაშავის იდენტიფიცირება, უცნობია სროლის მოტივიც.
სროლა ქალაქის იმ ნაწილში მოხდა, სადაც, ძირითადად, მიგრანტები არიან დასახლებული.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
