2024-09-23 11:14:15, 387 ნახვა
მსოფლიო
BBC - იაპონიაში წყალდიდობის შედეგად 6 ადამიანი დაიღუპა - 10 პირი დაკარგულად მიიჩნევა
იაპონიაში, იშიკავას პრეფექტურაში წყალდიდობის შედეგად 6 ადამიანი დაიღუპა, 10 კი დაკარგულად მიიჩნევა. ამის შესახებ ინფორმაციას BBC ავრცელებს.
მედიის ცნობით, ქალაქ ვაჯიმასა და სუზუში ათობით ადიდებულმა მდინარემ 100-ზე მეტ დასახლებამდე მისასვლელი გზები დატბორა.
მედიის ინფორმაციით, ქვეყანაში, დაახლოებით, 4 000 ადამიანი ელექტროენერგიის გარეშეა დარჩენილი, ხოლო სტიქიის გამო 40 000 ადამიანის ევაკუაცია გახდა საჭირო.
იაპონიის მეტეოროლოგიურმა სააგენტომ განგაშის წითელი დონე გამოაცხადა, მოსახლეობას კი სიფრთხილისკენ მოუწოდა.
ავტორი: ექსპრესნიუსი,
epn.ge (@expressnews.ge)
