„ვენდის“ ამერიკული რესტორანი „მეტი ქართული პროდუქტის“ ინიციატივის ფარგლებში ქათმის ხორცის იმპორტს კომპანია „მარშესთან“ და „ბიუ ბიუსთან“ ერთად 100%-ით ქართული ქათმის ხორცით ანაცვლებს.

„მეტი ქართული პროდუქტის“ ინიციატივის ფარგლებში 2015 წლის დეკემბრიდან ამერიკული რესტორნების ქსელმა „ვენდიმ“ და „დანკინ დონატსმა“ იმპორტის უდიდესი წილი ქართული პროდუქტებით უკვე ჩაანაცვლა და „სმარტთან“, „მარშესთან“ , „პურის სამყაროსთან“, „მილკოსა“ და „ბადაგთან“ თანამშრომლობით ერთგულ მომხმარებელს ახლა უკვე ქართული პროდუქტებით დამზადებულ ყოველდღიურად ახალ, მარალი ხარისხის, უგემრიელეს კერძებს სთავაზობს.

როგორც „ვისოლ ჯგუფის“ პრეზიდენტმა სოსო ფხაკაძემ  ჟურნალისტებთან საუბარში აღნიშნა, ეროვნული წარმოების წახალისება, უსაფრთხო პროდუქტები და საქართველოს სოფლის მეურნეობის განვითარების ხელშეწყობა „ვისოლ ჯგუფის“ სტრატეგიული მიზანია.

„ეროვნული წარმოების წახალისება, უსაფრთხო პროდუქტები, ჯანსაღი კვების პოპულარიზაცია და საქართველოს სოფლის მეურნეობის განვითარების ხელშეწყობა „ვისოლ ჯგუფის“ სტრატეგიული მიზანია. სწორედ ამიტომაც ხდება სუპერმარკეტ „სმარტში“ გაუყინავი, ყოველდღიურად ახალი ქართული ხორცის, ქართული ყველის და რძის პროდუქტების, ქართული ნატურალური ხილისა და ბოსტნეულის მრავალსახეობის შეთავაზება ჩვენი ერთგული მომხმარებლებისთვის. პროექტის „შეიძინე ქართულის“ ფარგლებში კი ჩვენ საქართველოს ყველა რეგიონს ვსტუმრობთ და სეზონური ნატურალური ხილისა თუ ბოსტნეულის ადგილობრივი გლეხებისა და მცირე მეწარმეებისგან შესყიდვასა და „სმარტში“ არაკომერციულ ფასად რეალიზაციას ვახდენთ. „მეტი ქართული პროდუქტის“ ინიციატივის ფარგლებში კი „ვენდისში“ ახლა უკვე ქათმის ხორცის იმპორტს 100%-ით ქართული ქათმის ხორცით ვანაცვლებთ, რაც ნიშნავს იმას, რომ ჩვენს მომხმარებლებს ყოველდღიურად ახალი, უმაღლესი ხარისხის, ქართული ქათმის ხორცით დამზადებულ უგემრიელეს მენიუს შევთავაზებთ. ეროვნული წარმოების ხელშეწყობით. „ვისოლ ჯგუფს“ საკუთარი წვლილი შეაქვს ქართული ეკონომიკის განვითარებაში“,-განაცხადა სოსო ფხაკაძემ.

ცნობისთვის, „ვენდის“ ამერიკული რესტორნების ქსელის განვითარება „ვისოლ ჯგუფმა“ 2013 წელს დაიწყო და დღეს „ვენდის“ რესტორნები თბილისში, რუსთაველის გამზირზე, ვაკეში, სამების ტაძრის გვერდით, საბურთალოზე, ცინცაძის ქუჩა #37-ში, 26 მაისის მოედანსა და აღმაშენებლის ხეივნის მე-13 კილომეტრზე, გორსა და წყნეთში მდებარეობს. „მეტი ქართული პროდუქტის“ ინიციატივის ფარგლებში ამიერიდან გრილზე შემწვარი ქათმის ვრეპი, გრილზე შემწვარი ქათმის ბურგერი, ცხარე ქათმის ვრეპი, ცხარე ქათმის ბურგერი, ნაგეთსები, ნაგეთსბურგერი, სალათი ცეზარი გრილზე,  შემწვარი ქათმით და სალათი ცეზარი ცხარე ქათმით,  ქართული ქათმის ხორცით დამზადდა.

(R)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს

რას პასუხობს საზოგადოებრივი მაუწყებელი სინდისის პატიმრების მშობლებს ეთერის მოთხოვნაზე