2016-02-15 15:20:35, 396 ნახვა

---

ადამიანის უფლებათა დაცვის კომიტეტზე საპარლამენტო უმცირესობა და ოპოზიცია ერთმანეთს დაუპირისპირდნენ

პარლამენტის ადამინის უფლებათა დაცვის კომიტეტის სხდომაზე უმცირესობა და უმრავლესობა ერთმანეთს ე.წ. პოლიტპატიმრის სტატუსით გათავისუფლებულთა საკითხზე დაუპირისპირდნენ.

საპარლამენტო უმცირესობა მიიჩნევს, რომ ე.წ. შეწყალების საქმეზე აუცილებელია საგამოძიებო კომისიის შექმნა.

„მე ჩემს თავს არ მივცემ უფლებას დავიწყო საუბარი იმ განცხადებებზე, რომელიც ბატონ ელისაშვილს ჰქონდა, თუ როგორ და რის ფასად ხდებოდა გათავისუფლება, არავის უდანაშაულობის პრეზუმფციას არ დავარღვევ, მაგრამ ჩვენ კარგად ვიცით, რომ არავითარი პოლიტიკური საფუძველი იმ გათავისუფლებებს არ ჰქონდა, ხშირ შემთხვევაში ისინი იყვნენ მკვლელები და იმ ადამიანებმა, ვისაც სიაში შეჰყავდა, იცოდნენ, რომ ხელს აწერდნენ მკვლელების გათავისუფლებას,“ - განაცხადა კომიტეტის სხდომაზე „ნაციონალური მოძრაობის“ წევრმა ნუგზარ წიკლაურმა. 

ადამიანის უფლებათა დაცვის კომიტეტში 17 საათზე სწორედ ე.წ. პოლიტპატიმრის სტატუსით გათავისუფლებულებთან შეხვედერა გაიმართება. კომიტეტზე ე.წ. შეწყალების სკანდალი უნდა განიხილონ.

მიწვევის მიუხედავად სხდომაზე მისვლას არც საპარლამენტო ოპოზიცია და არც ალეკო ელისაშვილი აპირებენ.

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი