საქართველოს გენერალურ პროკურატურაში გენერალური პროკურორის მუდმივმოქმედი სათათბირო ორგანოს – სტრატეგიული განვითარებისა და სისხლის სამართლის პოლიტიკის საბჭოს სხდომაზე დასავლეთ საქართველოს საოლქო პროკურორმა, დავით ჩხარტიშვილმა რეგიონის მასშტაბით 2021 წელს გაწეული მუშაობის შესახებ ანგარიში წარადგინა.

სხდომა საქართველოს გენერალურმა პროკურორმა ირაკლი შოთაძემ გახსნა და მას გენერალური პროკურორის მოადგილეები, საპროკურორო საბჭოს წევრები და უწყების სხვა ხელმძღვანელი პირები ესწრებოდნენ. საბჭოს მუშაობაში, ასევე მონაწილეობა მიიღეს საპროკურორო საბჭოს არაპროკურორმა წევრებმა იაგო ხვიჩიამ და ლილი გელაშვილმა.

დავით ჩხარტიშვილმა სხდომის წევრებს 2021 წლის მუშაობის ანგარიში, ანალიზი და სტატისტიკა წარუდგინა; ისაუბრა გამოძიების საპროცესო ხელმძღვანელობის, ცალკეულ დანაშაულთა წინააღმდეგ ბრძოლის, განრიდების, აღკვეთის ღონისძიების, საპროცესო გარიგებების, დამდგარი განაჩენების მაჩვენებლებზე, მოწმისა და დაზარალებულის კოორდინატორის სამსახურის მნიშვნელობაზე, დანაშაულის პრევენციის მიზნით ჩატარებულ ღონისძიებებზე და სხვა მნიშვნელოვან საკითხებზე.

დასავლეთ საქართველოს საოლქო პროკურორმა 2022 წლის გამოწვევებზე, პრიორიტეტებზე და მიზნებზეც ისაუბრა და აღნიშნა, რომ მნიშვნელოვანია პროკურატურის განვითარების 2022-2027 წლის სტრატეგიის დოკუმენტში მითითებულ დანაშაულთა წინააღმდეგ ბრძოლის ეფექტიანობის ზრდა, გამოძიების ხარისხის ამაღლება, განრიდების და საპროცესო შეთანხმების გაზრდა, სასამართლოებში საქმეების სწრაფად დასრულება და სხვა.

ანგარიშის წარდგენის შემდეგ დავით ჩხარტიშვილმა სხდომის მონაწილეების კითხვებს უპასუხა.

საქართველოს გენერალური პროკურორის მუდმივმოქმედი სათათბირო ორგანო – სტრატეგიული განვითარებისა და სისხლის სამართლის პოლიტიკის საბჭო საქართველოს პროკურატურის საქმიანობის ხელშეწყობის მიზნით 2020 წელს შეიქმნა. საბჭოს უფლებამოსილებას პროკურატურის სისტემის საქმიანობის ძირითადი მიმართულებებისა და განვითარების გეგმის სრულყოფა, პროგრამებისა და სხვა საჭიროებების განსაზღვრა, სისხლის სამართლის პოლიტიკიდან გამომდინარე, მისი სახელმძღვანელო პრინციპების, სტრატეგიისა და სამოქმედო გეგმის შემუშავება, საკითხების განხილვა და რეკომენდაციის გაცემა წარმოადგენს.

ავტორი: NS (სტატია დაფინანსებულია),

სოციალური ქსელები

2019 წლის 20 ივნისის მოვლენების წლისთავზე საპროტესტო აქცია გაიმართება

საქართველოში მსუბუქი ავტომობილების იმპორტი ოთხწლიან მინიმუმამდე დაეცა

რუსეთის იუსტიციის სამინისტრომ აფხაზ ჟურნალისტ ინალ ხაშიგს უცხოელი აგენტის სტატუსი მოუხსნა

ვიქნებით იქ, სადაც არის საქართველოს ინტერესები - ქართული რესპუბლიკა ზახაროვას