2022-04-18 13:37:55, 1581 ნახვა

---

უკრაინის შესახებ გამოქვეყნებული სტატიის შემდეგ, რუსეთმა Humans Rights Watch-ის ვებგვერდი დაიბლოკა

რუსეთის გენერალური პროკურატურის მოთხოვნით, აკრძალული საიტების რეესტრს Human Rights   Watch დაემატა. ამის შესახებ ბრიტანული გამოცემა BBC წერს.

HRW-ს მთლიანი ვებგვერდი მას შემდეგ დაიბლოკა, რაც სტატია სათაურით „უკრაინა: რუსული თავდასხმა კლავს სამოქალაქო პირებს, რომლებიც გაურბიან სამხედრო მოქმედებებს“ გამოქვეყნდა. 

Human Rights Watch-ის სტატიაში საუბარია რუსული ჯარების მიერ ჰუმანიტარული დერეფნების დაბომბვაზე.

Human Rights Watch იძიებს და ავრცელებს ინფორმაციას ძალადობის შესახებ, მსოფლიოს ყველა კუთხეში. ორგანიზაცია აერთიანებს  ექსპერტებს, იურისტებს, ჟურნალისტებს და სხვა პროფესიის ადამიანებს, რომლებიც მუშაობენ დაუცველ უმცირესობებთან და მშვიდობიან მოსახლეობასთან ომის დროს.

 

 

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი