2021-09-24 12:20:15, 700 ნახვა
საზოგადოება
2021 წლის 9 თვის მონაცემებით, მარნეულის რეგიონულ ლაბორატორიაში შემოსულ ნიმუშებზე 126,399 კვლევა ჩატარდა
სოფლის მეურნეობის სახელმწიფო ლაბორატორიის მარნეულის რეგიონულ ლაბორატორიაში ცხოველთა დაავადებების კვლევა და მათი ბაქტერიოლოგიური, სეროლოგიური და მოლეკულურ-ბიოლოგიური გამოცდები მიმდინარეობს. - ამის შესახებ ინფორმაციას გარემოს დაცვისა და სოფლის მეურნეობის სამინისტრო ავრცელებს.
უწყების ცნობით, ლაბორატორიაში არსებული კვლევის მეთოდები საერთაშორისოდ აკრედიტირებულია. ლაბორატორიის პერსონალი კი, ყოველწლიურად წარმატებით გადის პროფესიული კომპეტენციის ტესტირებებს.
მარნეულის ლაბორატორიაში აქტიურად მიმდინარეობს ბიოუსაფრთხოების ნორმების დაცვის მკაცრი მონიტორინგი და ხდება პანდემიის პირობებში დადგენილი რეგულაციების დაცვა.
დამატებითი ინფორმაცია ლაბორატორიაში არსებული კვლევებისა და ფასების შესახებ შეგიძლიათ იხილოთ ლაბორატორიის ვებგვერდზე - http://sla.gov.ge/Ge
ავტორი: ექსპრესნიუსი,
epn.ge (@expressnews.ge)
