საქართველო „დანაღმულ ველს“ ემსგავსება – კლინიკების ასოციაცია პოლიტიკურ პარტიებს მიმართავს

2021-09-21 15:05:33, 557 ნახვა

საზოგადოება

საქართველოს კლინიკების ასოციაცია პოლიტიკურ პარტიებს მიმართვას. როგორც განცხადებაშია აღნიშნული, საქართველოსთვის პანდემიის მე-5 ტალღა, შესაძლოა, უმძიმესი აღმოჩნდეს

კლინიკების ასოციაცია პოლიტიკურ პარტიებს მოუწოდებს, არჩევნებამდე დარჩენილი 10 დღის განმავლობაში ჩამოხსნან საკუთარი პოლიტიკური რეკლამები და მათ ნაცვლად ვაქცინაციის შესახებ მოწოდებებს დაუთმონ.

„შემოდგომის მეორე ნახევრიდან მსოფლიო პანდემიის მე-5 ტალღის მოლოდინშია, რაც ჩვენისთანა მცირე რიცხოვანი ერისთვის შესაძლებელია უმძიმესი აღმოჩნდეს, პრევენციის და პროფილაქტიკის ერთადერთი, ეფექტური მეთოდი მოსახლეობის დროული ვაქცინაციაა, დღეს პანდემიიდან გამომდინარე საქართველო „დანაღმულ ველს, ემსგავსება.

ზემოაღნიშნულიდან გამომდინარე მოგმართავთ პოლიტიკურ პარტიებს:

- არჩევნებამდე დარჩენილი 10 დღე დაუთმეთ მოსახლეობისთვის ყველაზე სასიკეთო საქმეს; ყველა პოლიტიკურმა პარტიამ ჩამოხსენით თქვენი სარეკლამო ბანერები და მის ნაცვლად გააკარით მოწოდება ვაქცინაციის შესახებ - „აიცერი - ვაქცინა გვიცავს"

თანამემამულენო! თითოეული ჩვენგანის, თუნდაც მცირედმა პოზიტიურმა ქმედებამ შესაძლებელია საკმაოდ დიდი, დადებითი ზეგავლენა მოახდინოს არსებულ ვითარებაზე, რაც საბოლოო ჯამში აისახება ჩვენი ერის ჯანმრთელობასა და კეთილდღეობაზე“- აღნიშნულია განცხადებაში.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,