საბურთალოზე მდებარე „სითი მოლი“ აფეთქებას გადაურჩა.

ამის შესახებ „თბილისი ენერჯი“ ოფიციალურ განცხადებას ავრცელებს.

როგორც კომპანიაში განმარტავენ, სავაჭრო ცენტრ „სითი მოლის“ შენობაში, ერთ-ერთ სამზარეულოში გაზქურის 8 სანთურა ღია მდგომარეობაში იყო დატოვებული.

„თბილისი ენერჯის“ სპეციალისტებმა უსაფრთხოების მიზნით ობიექტს გაზმომარაგება შეუწყვიტეს. ადგილზე მობილიზებული იყო საპატრულო პოლიციაც.

„თბილისი ენერჯის ცხელ ხაზზე შეტყობინება შევიდა. რომ ქავთარაძის 1 ნომერში მდებარე სავაჭრო ცენტრში ძლიერი გაზის სუნი იდგა.

ადგილზე დროულად მისული თბილისი ენერჯის სწრაფი რეაგირების ჯგუფებმა ლაზერული აპარატით შემოწმებისას გაზის მაღალი კონცენტრაცია დააფიქსირა. შენობის საფუძვლიანად დათვალიერებისა და შემოწმების შედეგად დადგინდა, რომ სავაჭრო ცენტრ სითი მოლის შენობაში, ერთ-ერთ სამზარეულოში ღია მდგომარეობაში იყო დატოვებული გაზქურის 8 სანთურა. ეს ნიშნავს რომ სითი მოლი ძლიერ აფეთქებას გადაურჩა.

გვინდა გაცნობოთ, რომ ბოლო ერთი თვის განმავლობაში დიდი რაოდენობით გაზის დაგროვებისა თუ გაჟონვის 48 შემთხვევა დაფიქსირდა. აღსანიშნავია, რომ 48-ე შემთხვევაში ძლიერიაფეთქების დიდი რისკი იყო. თუმცა ჩვენი თანამშრომლების დროული მოქმედებებისა და რიგ შემთხვევებში მოქალაქეების მაღალი სამოქალაქო პასუხისმგებლობის შედეგად უბედური შემთხვევების თავიდან აცილება მოხერხდა.

ბოლო სტატისტიკა მეტყველებს, რომ მიუხედავად ჩვენი მრავალგზის გაფრთხილებისა და სხვადასხვა მედია საშუალებებით აქტიური სოციალური კამპანიისა ადამიანები უგულვებელყოფენ საფრთხეებს , თვითნებურად გაჰყავთ და აერთებენ გაზის დანადგარებს, კუსტარულად გაჰყავთ გაზგაყვანილობა და უყურადღებოდ ტოვებენ გაზის ხელსაწყოებს.

გვინდა კიდევ ერთხელ მოვუწოდოთ და გავაფრთხილოთ ჩვენი მოსახლეობა - გთხოვთ, იყავით ყურადღებით, გამოიჩინეთ მეტი პასუხისმგებლობა. თქვენი არასწორე ქმედების შედაგდ  თქვენ, თქვენი ოჯახის წევრებს და მეზობლებს საფრთხეს უქმნით. . ნუ იქცევით უნებლიე მკვლელებად. გაუფრთხილდით საკუთარ თავს, ოჯახის წევრებსა და გარშემო მყოფ ადამიანებს.

როგორ სწრაფად და პროფესიონალურადაც არ უნდა მოვიქცეთ, ჩვენ და ჩვენი სპეციალისტები საბოლოო ყველაფერი ისევ თქვენზეა დამოკიდებული. უყურადღებოდ დატოვებული ხელსაწყოები ხშირად გამხდარა უბედურების მიზეზი და ამის ბევრი მაგალითი არსებობს“, - აღნიშნულია „თბილისი ენერჯის“ განცხადებაში.

ავტორი: ექსპრესნიუსი,

სოციალური ქსელები

გაეროს ადამიანის უფლებათა საბჭოში საქართველოზე კრიტიკული ანგარიში მომზადდა

ლაიენი: სომხეთი აგრძელებს გზას დემოკრატიისკენ, EU-სთან უფრო მჭიდრო თანამშრომლობისკენ

ოცნების საგარეო: რუსეთსა და ოკუპირებულ ცხინვალს შორის შეთანხმებაზე შეშფოთება გამოვთქვით

TI: „ქართული ოცნების“ დონორებთან დაკავშირებულმა კომპანიებმა 17.7 მილიონი ლარის ღირებულების სამთავრობო კონტრაქტები მიიღეს.