2015-08-18 12:09:48, 1462 ნახვა
მსოფლიო
რუსეთმა საქართველოს ოკუპირებულ ტერიტორიებზე სამხედრო წვრთნები დაიწყო
რუსეთმა საქართველოს ოკუპირებულ ტერიტორიებზე, ე.წ. სამხრეთ ოსეთსა და აფხაზეთში წვრთნები დაიწყო.
ამის შესახებ ინფორმაციას სამხრეთის სამხედრო ოლქის პრესსამსახურზე დაყრდნობით ფედერაციის ტელეკომპანია Звезда ავრცელებს.
არხის ვებგვერდზე განთავსებული ინფორმაციის თანახმად, სამხედრო მანევრები სომხეთსა და ყირიმსაც მოიცავს. მასში დაახლოებით ცხრა ათასამდე სამხედრო და სამი ათასამდე სარაკეტო- საარტილერიო დანადგარია ჩართული. წვრთნები ერთი თვის განმავლობაში გაგრძელდება და მისი საბოლოო ეტაპი ზალპური ცეცხლის დანადგარებიდან სროლებს ითვალისწინებს.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
