„ვიცი, რომ პროკურატურა რამდენიმე საქმის დახურვას და მოქალაქეების სამართლიანობის აღდდგენას აპირებს“,-ამის შესახებ პრემიერ-მინისტრმა ირაკლი ღარიბაშვილმა  გადაცემა 20/30-ში განაცხადა.

როგორც ღარიბაშვილმა აღნიშნა, 9 წლის განმავლობაში გასამართლებული 320 000 ადამიანი  და  მოქალაქეებისთვის მიყენებული მილიარდობით ზარალი არის რეალობა.

„პროკურატურაში შექმნილია შესაბამისი დეპარტამენტი. ვიცი, რომ პროკურატურა ხვალ აპირებს რამდენიმე საქმის დახურვას და მოქალაქეების სამართლიანობის აღდგენას. ზარალი არის რამდენიმე მილიარდი დოლარის. სახელმწიფოს არ აქვს საშუალება, ერთი ხელის მოსმით, გაუაზრებლად აიღოს ამ თანხაზე ვალდებულება", - განაცხადა ღარიბაშვილმა.

პრემიერის თქმით, ოპონენტებისთვის ადვილია საუბარი იმაზე, თუ რატომ არ აღდგა სამართლიანობა.

მისივე განმარტებით, პროკურატურაში შესულია მოქალაქეების ათასობით საჩივარი, რომელსაც შესწავლა სჭირდება.

"ჩვენ, ხელისუფლებაში უფრო მეტი მოგვეთხოვება, ვიდრე ჩვეულებრივ მოქალაქეებს, რადგან ჩვენ მათ ბედზე ვზრუნავთ. ჩვენ არ გვქონდა უფლება, უპასუხისმგებლოდ და პოპულისტურად მოვქცეულიყავით. ამიტომ, საჭირო იყო ამ პროცესის თანმიმდევრულად და ეტაპობრივად მართვა“,-აღნიშნა ღარიბაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკის თქმით, დრუჟბას ნავთობსადენი ოპერაციების განახლებისთვის მზადაა

იოზვიაკი წერს, რა განიხილეს EU-ის მინისტრებმა დღევანდელ შეხვედრაზე საქართველოზე

ტრამპის თქმით, თუ ირანთან სამშვიდობო შეთანხმების მიღწევა არ მოხდება, მაშინ აშშ დაბომბვას განაახლებს

ტერიტორია დაატოვებინეს აქტივისტს, რომელიც კობახიძის ბრიფინგის პარალელურად, კანცელარიასთან, საპროტესტო წარწერით მივიდა