საგარეო საქმეთა მინისტრის თამარ ბერუჩაშვილის განცხადებით, რუსეთთან ურთიერთბოების დალაგება არა მხოლოდ საქართველოს, არამედ მთელი მსოფლიოს პრობლემა გახდა. 

ამის შესახებ მან მთავრობის სხდომის დასრულების შემდეგ განაცხადა.

როგორც ბერუჩაშვილმა Washington Post-ში გამოქვეყნებული სტატიის კომენტირებისას აღნიშნა, ვერ გააკეთებს კომენტარს კონკრეტული ჟურნალისტის შეფასებაზე.

"სტატია არ მინახავს და რთული იქნება ახლა ჩემი მხრიდან კომენტარი ერთი კონკრეტული ჟურნალისტის მიერ გაკეთებულ შეფასებაზე. ერთი მინდა დაგიდასტუროთ, რომ საქართველო განუხრელად მიყვება როგორც დაგეგმილია და როგორიცაა ქართველი ხალხის არჩევანი, ევროპული, ატლანტიური ინტეგრაციის გზას. დღეს საქართველომ მიიღო მთელი რიგი სპეციალური საკანონმდებლო ცვლილებების პაკეტები, რომელიც გათვალისწინებულია ჩვენს ვალდებულებეთან, ევროკავშირთან უვიზო მიმოსვლის ვალდებულებებთან დაკავშირებით და სეც არის ნაწილი ჩვენი ევროპული ინტეგრაციის პრიორიტეტების. ამიტომ კონკრეტული ჟურნალისტის შეფასებაზე კომენტარს ვერ გავაკეთებ. 

რაც შეეხება რუსეთს, რუსეთთან ურთიერთობის დალაგება არამარტო საქართველოს, არამედ მთელი მსოფლიოს პრობლემა გახდა, გამოწვევების გათვალისწინებით, რაც არის რეგიონში. ჩვენ გვაქვს ჩვენი ხედვა და წითელი ხაზები, რომლის ფარგლებში გავაგრძელებთ რუსეთთან დიალოგს და ჩვენს პოლიტიკას",-განაცხადა ბერუჩაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სუს-ის უფროსის პოსტზე მამუკა მდინარაძეს გელა გელაძე შეცვლის, შს მინისტრი სულხან თამაზაშვილი იქნება

კობახიძე: ქვეყანა სწორედ 2012 წლიდან დაადგა შეუქცევადი განვითარების გზას და იქცა სახელმწიფოდ, რომლის ამოსავალი წერტილი ადამიანია,

ფაშინიანი ხელახლა არჩევის შემთხვევაში სომხეთის სამოციქულო ეკლესიის დაბეგვრას გეგმავს

EBRD-ის, ADB-ისა და საქართველოს ბანკის თანამშრომლობით, რეგიონული კონფერენცია „Digital Trade for Growth in the Middle Corridor : Foundations, Finance and Adoption“ გაიმართა