„გარემოსა და ბუნებრივი რესურსების დაცვის კომიტეტის“ თავჯდომარის გია ჟორჟოლიანის განცხადებით, პარლამენტში „მთავრობის შესახებ“ კანონპროექტი შემოვა, რომელიც მთის მინისტრის აპარატის შექმნის საკითხს გაითვალისწინებს.

ამის შესახებ მან ჯანდაცვის კომიტეტის სხდომაზე განაცხადა, სადაც „მთის შესახებ“ კანონპროექტს განიხილავდნენ.

როგორც დეპუტატი ირწმუნება, მთის მინისტრის პოსტის შექმნის ინიციატივას საპარლამენტო უმრავლესობა იზიარებს.

ამასთან, ჟორჟოლიანის მტკიცებით, ახალი უწყების შექმნა დამატებით ხარჯებს არ მოითხოვს.

„მაღალმთიანი მუნიციპალიტეტების წარმომადგენლების ინიციატივას, მაღალმთიანი რეგიონების განვითრების სფეროში სახელმწიფო მინისტრის პოსტისა და მისი აპარატის შექმნის თაობაზე, აბსოლუტური უმრავლესობა შეუერთდა. ყველა ფრაქცია ტაშის გრიალით შეეგება ამ წინადადებას. ეს საკითხი პირდაპირ უკავშირდებოდა მათ შორის საარჩევნო ოლქების ცვლილებებს, რომლებიც ასუსტებს ადგილობრივი ხელისუფლებისა და ცენტრალური ხელისუფლების ურთიერთკავშირს. სამწუხაროდ, ყველას კარგად მოეხსენება მუნიციპალიტეტების რესურსები და კომპეტენცია შეზღუდულია და სწორედ ამიტომ, ჩვენ, ვიღებთ კანონს, სადაც ცენტრალური ხელისუფლების როლი მაღალმთიან რეგიონებში პროექტებისა და პროგრამების განხორციელებისათვის გამოკვეთილია. გაუგებრობა რომ არ იყოს საზოგადოებისათვის.... აქ არანაირი დამატებითი ხარჯები და ისტერიკა იმისა, რომ ყველაფერი უნდა შევამციროთ, და არაფერი არ დავხარჯოთ, მერე როგორ უნდა განვავითაროთ, თუ არ დავხარჯავთ.. მთის შესახებ პროექტით გათვალისწინებულია სერიოზული პროგრამები, რომლებიც ძალიან დიდ ხარებს მოითხოვს ... ის, კი არის შიდა რესურსების საფუძველზე, სხვადასხვა უწყებების შიგნით, გამოთავისუფლება ამ რესურსებისა და ერთიანი კოორდინირება. ამიტომ, ეს მთავრობის შესახებ კანონში განსახილველი საკითხია და მერწმუნეთ, ასეთი კანონპროექტი პარლამენტში შემოვა“, - აღნიშნა ჟორჟოლიანმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ციფრული ტრანსფორმაციის პრაქტიკული შედეგები: როგორ ცვლის „თეგეტა ჰოლდინგი“ იურიდიულ პროცესებს Lawformer-თან პარტნიორობით

თიბისი კაპიტალმა მაკროეკონომიკური განახლება გამოაქვეყნა განახლებული პროგნოზები: უფრო მაღალი ეკონომიკური ზრდა, ინფლაცია, და სტაბილური ლარი

Amnesty International - საქართველოში ქალი მომიტინგეები ხდებოდნენ გენდერული და სექსუალური ძალადობის სამიზნე

ვაშაძე კალაძეს - შენთვის არის წარმოუდგენელი ქუჩაში დაცვის გარეშე გასვლა