23-25 ივნისს ქალაქ ვენაში   უსაფრთხოების  საკითხების გადახედვის  ეუთო-ს ყოველწლიური კონფერენცია (ASRC) გაიმართება, რომელშიც მონაწილეობას მიიღებს საქართველოს დელეგაცია საგარეო საქმეთა მინისტრის პირველი მოადგილის -  დავით დონდუას ხელმძღვანელობით. ამის შესახებ საქართველოს საგარეო საქმეთა სამინისტროში გამართულ  ტრადიციულ პრესკონფერენციაზე გახდა ცნობილი.

ეუთო-ს ხსენებული კონფერენცია ყოველწლიურად იმართება და მასზე განხილავენ უსაფრთხოების კუთხით არსებულ საფრთხეებს და გამოწვევებს ეუთო-ს სივრცეში, ასევე ორგანიზაციის როლს მათი დაძლევის პროცესში. კონფერენციის ფარგლებში დაგეგმილია საგარეო საქმეთა მინისტრის პირველი მოადგილის სიტყვით გამოსვლები სხვადასხვა სამუშაო სესიების ფარგლებში უკრაინის, ევროპული უსაფრთხოების, ტრანსნაციონალური საფრთხეების, ეუთო-ს რეგიონის სამეზობლოს, შეიარაღებაზე კონტროლისა და სხვა მნიშვნელოვან საკითხებზე. აღსანიშნავია, რომ კონფერენციაზე ბ-ნი დავით დონდუა  მონაწილეებს მიაწვდის დეტალურ ინფორმაციას უსაფრთხოებისა და ადამიანის უფლებების კუთხით საქართველოს ოკუპირებულ ტერიტორიებზე არსებულ მძიმე ვითარებაზე, ისაუბრებს იძულებით ადგილნაცვალ პირთა და ლტოლვილთა პრობლემატიკაზე და რუსული მხარის დესტრუქციულ ქმედებებზე, რაც მნიშვნელოვნად აფერხებს რუსეთ-საქართველოს კონფლიქტის მშვიდობიანი გზით მოგვარების პროცესს.

უსაფრთხოების საკითხების გადახედვის ეუთო-ს ყოველწლიური კონფერენციის ფარგლებში დაგეგმილია ბატონი დონდუას ორმხრივი შეხვედრები პარტნიორი ქვეყნების დელეგაციებთან.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ციფრული ტრანსფორმაციის პრაქტიკული შედეგები: როგორ ცვლის „თეგეტა ჰოლდინგი“ იურიდიულ პროცესებს Lawformer-თან პარტნიორობით

თიბისი კაპიტალმა მაკროეკონომიკური განახლება გამოაქვეყნა განახლებული პროგნოზები: უფრო მაღალი ეკონომიკური ზრდა, ინფლაცია, და სტაბილური ლარი

Amnesty International - საქართველოში ქალი მომიტინგეები ხდებოდნენ გენდერული და სექსუალური ძალადობის სამიზნე

ვაშაძე კალაძეს - შენთვის არის წარმოუდგენელი ქუჩაში დაცვის გარეშე გასვლა