„ბეშუმში“ სამედიცინო პუნქტი გაიხსნა, რომელიც დამსვენებლებსა და მოიალაღეებს სეზონის ბოლომდე მოემსახურება.

ამის შესახებ „ექსპრესნიუსს“ აჭარის ავტონომიური რესპუბლიკის ჯანმრთელობისა და სოციალური დაცვის სამინისტროდან აცნობეს.

მათივე ინფორმაციით, კურორტზე 24:00 საათიან სამედიცინო მომსახურების მიწოდებას სასწრაფო სამედიცინო დახმარების 2 ბრიგადა მონაცვლეობით და ამბულატორიის ექიმი უზრუნველყოფს.

აჭარის ჯანდაცვის კურორტზე ასულმა მედიკოსებმა მოიალაღეებს პირველი სამედიცინო დახმარება გუშინვე გაუწიეს. სამედიცინო სამსახურების ორგანიზაციული საკითხების გაცნობის მიზნით კურორტ „ბეშუმს“ აჭარის ავტონომიური რესპუბლიკის ჯანმრთელობისა და სოციალური დაცვის მინისტრის პირველი მოადგილე ლევან გორგილაძე, ხულოს მუნიციპალიტეტის გამგებელი ბესიკ ბაუჩაძე და სასწრაფო სამედიცინო დახმარების რეგიონული სამსახურის უფროსი მინდია კახიძე სტუმრობდნენ.

ვიზიტის ფარგლებში მთავრობის წარმომადგენლები შეხვდნენ კურორტზე მყოფ მოიალაღეებს და მათი აზრი მოისმინეს. სამედიცინო მომსახურების ადგილზე მიწოდებისათვის მოიალაღეებმა კმაყოფლიება გამოთქვეს.

ცნობისთვის, კურორტ „ბეშუმს“ უწყვეტი სამედიცინო მომსახურება გასულ წელსაც მიეწოდებოდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კალასი: ევროკავშირმა შესაძლოა კვლავ წამოჭრას „ოცნებისა“ და ივანიშვილის წინააღმდეგ სანქციების საკითხი

ესტონეთი ევროკავშირს „ქართული რეჟიმის“ წინააღმდეგ პერსონალური სანქციების დაწესებისკენ მოუწოდებს

სარჯველაძე : რა ვადაში იქნება ნაპოვნი კონკრეტული პასუხი - ჩემთვის მითუმეტეს შეუძლებელია იმის ფონზე, რომ ამას ვერ ამბობს ინგლისის ხელისუფლება, ვერ ამბობს EMA

პირთა ჯგუფი ჯარში გაწვევის თავიდან ასარიდებლად, ყალბ ჯანმრთელობის ცნობებს ამზადებდა და 30 წვევამდელიდან ასი ათას ლარზე მეტი აიღო