2018-02-05 18:16:59, 1697 ნახვა

---

სააკაშვილი: უკრაინაში ყოფნისთვის საჭირო სტატუსს ვკარგავ - ეს არის პოროშენკოს მორიგი გადაწყვეტილება

"მე უკრაინაში ყოფნისთვის საჭირო სტატუსს ვკარგავ, ეს არის არა სასამართლოს, არამედ პოროშენკოს მორიგი გადაწყვეტილება", - ასე გამოეხმაურა საქართველოს მესამე პრეზიდენტი მიხეილ სააკაშვილი კიევის სააპელაციო ადმინისტრაციული სასამართლოს დღევანდელ გადაწყვეტილებას.

სააკაშვილმა განაჩენის გამოცხადების ამსახველი ვიდეოც გამოაქვეყნა.

კიევის სააპელაციო სასამართლომ საქართველოს მესამე პრეზიდენტის მიხეილ სააკაშვილის საჩივარი უკრაინის საიმიგრაციო სამსახურის წინააღმდეგ არ დააკმაყოფილა.

მიხეილ სააკაშვილის ადვოკატი რუსლან ჩერნოლუცკი აცხადებს, რომ ეს გადაწყვეტილება უკრაინის ხელისუფლებას საფუძველს აძლევს, სააკაშვილი უკრაინის ტერიტორიიდან გაიყვანოს, ექსტრადიციის ან დეპორტაციის ფორმით. იგი გადაწყვეტილებას საკასაციო სასამართლოში გაასაჩივრებს.

---

ავტორი: ,

---

დღის თემა

მთავარი თემა

ინტერვიუ - ექსკლუზივი