„გალტ & თაგარტმა“ საქართველოში საუკეთესო საინვესტიციო ბანკის და კორპორატიულ ფინანსებში საუკეთესო მრჩევლის წოდება მიიღო

2017-06-20 15:09:54, 2234 ნახვა

ეკონომიკა

„გალტ & თაგარტმა“ International Finance Magazine-ის ჯილდოები მიიღო.

IFM-მა გალტ & თაგარტი დააჯილდოვა, როგორც საქართველოში 2017 წლის „საუკეთესო მრჩეველი კორპორატიულ ფინანსებში“ და „საუკეთესო საინვესტიციო ბანკი“.

IFM-ის ჯილდოები გადაეცემა საერთაშორისო ფინანსების სფეროში მოღვაწე კერძო პირებსა და ორგანიზაციებს, რომელთაც მნიშვნელოვანი წვლილი შეაქვთ ხსენებული ინდუსტრიის განვითარებაში.

„გალტ & თაგარტი მოწოდებულია გაუწიოს კლიენტებს საუკეთესო კორპორატიული საკონსულტაციო მომსახურება, როგორც ადგილობრივ, ისე საერთაშორისო ტრანზაქციებზე. უფრო მეტიც, კომპანია მნიშვნელოვან როლს ასრულებს საქართველოში კაპიტალის ბაზრების განვითარებაში და ღირებულ მხარდაჭერას უწევს ქართულ კომპანიებს დაფინანსების წყაროთა დივერსიფიცირებაში. აღნიშნული აღიარება ხსენებული მიღწევების დასტურია და კიდევ ერთხელ ხაზს უსვამს „გალტ & თაგარტ“-ის წამყვან როლს საქართველოს საინვესტიციო საბანკო სფეროში“, - განაცხადა „გალტ & თაგარტი“-ს მმართველმა დირექტორმა ოთარ შარიქაძემ.

(R)

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან