2016-10-30 15:20:30, 884 ნახვა
საზოგადოება
ყიზილაჯლოს 50-ე უბანთან გზის გადაკეტვას შსს არ ადასტურებს
ცოტა ხნის წინ გავრცელდა ინფორმაცია, რომ ყიზილაჯლოს 50-ე საარჩევნო უბანთან მისასვლელი გზა შინაგან საქმეთა სამინისტროს საპატრული პოლიციამ გადაკეტა. ინფორმაციის გადასამოწმებლად "ექსპრესნიუსი" უწყებას დაუკავშირდა.
როგორც შსს-მ ჩვენთან საუბარში აღნიშნა, გავრცელებული ინფორმაცია არ შეესაბამება სიმართლეს. მათივე ინფორმაციით, ადგილზე მანქანების სიუხვის გამო, საპატრულო პოლიცია არეგულირებს მოძრაობას.
"50-ე უბანთან მისასვლელი გზა არ არის გადაკეტილი, უბრალოდ მანქანების სიუხვის გამო საპატრულო პოლიცია არეგულირებს მოძრაობას", - აღნიშნა შსს-ს წარმომადგენელმა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
