შინაგან საქმეთა სამინისტროს აკადემიის ინიციატივით, ევროსაბჭოს ტექნიკური დახმარებისა და ინფორმაციის გაცვლის ინსტრუმენტების (TAIEX) მხარდაჭერით, თბილისში ორდღიანი საერთაშორისო კონფერენცია ჩატარდა თემაზე: „კრიმინალური ქცევის ფსიქო-სოციალური მახასიათებლების როლი დანაშაულის პრევენციის სფეროში“.

კონფერენცია შსს-ს აკადემიის რექტორმა გივი მიქანაძემ და საქართველოში ევროკავშირის დელეგაციის წარმომადგენელმა ვინსენტ რეიმ გახსნეს. საერთაშორისო კონფერენციაში, სხვადასხვა ქვეყნის ფსიქოლოგებთან ერთად, დიდი ბრიტანეთის, შვედეთის, ნორვეგიისა და ჰოლანდიის ფსიქოლოგიის დარგის სასამართლო ექსპერტები მონაწილეობდნენ. კონფერენციის მიზანი, დანაშაულის პრევენციის მიზნით, სასამართლო ფსიქოლოგიის სფეროში მოღვაწე ექსპერტებისა და ფსიქოლოგების გამოცდილების გაზიარება და კვალიფიკაციის ამაღლებაა.

შსს-ს ცნობით, ღონისძიების მონაწილეებმა საკუთარი კვლევების შედეგები წარმოადგინეს და ისეთ თემებზე იმსჯელეს, როგორიცაა ფსიქოლოგთა როლი საქართველოს სამართალდამცავ სისტემაში, მკვლელობაში დამნაშავე პირის ფსიქო-სოციალური მახასიათებლები და აღნიშნული დანაშაულის პრევენციის მიზნით შემუშავებული ქმედებები, არასრულწლოვანთა დანაშაულის ფსიქო-სოციალური რისკ-ფაქტორები, ძარცვის ფსიქო-სოციალური მახასიათებლები და მათი როლი დანაშაულის პრევენციაში.

კონფერენციის ფარგლებში, სამუშაო ჯგუფები შეიქმნა, რომელთა წევრები სხვადასხვა ტიპის დანაშაულის პრევენციის სტრატეგიების ჩამოყალიბებაზე იმუშავებენ. ასევე, ჩატარდა კვლევები, რომლებიც ფოკუსირებულია სხვადასხვა კატეგორიის დანაშაულთან ასოცირებულ ფსიქო-სოციალური რისკ-ფაქტორების იდენტიფიკაციასა და დანაშაულის პრევენციის ღონისძიებებში მათ გამოყენებაზე.

კონფერენციის მონაწილეები შსს-ს აკადემიასაც ესტუმრნენ, სადაც სასწავლო პროცესს გაეცნენ და ინფრასტრუქტურა დაათვალიერეს. უცხოელმა ექსპერტებმა შსს-ს აკადემიაში განხორციელებულ პროექტებს მაღალი შეფასება მისცეს და საკუთარ ქვეყანაში რამდენიმე მათგანის დანერგვის სურვილი გამოთქვეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აშშ ევროპას აფრთხილებს იარაღის მიწოდების შეფერხების შესახებ, რაც გამოწვეულია მარაგების ამოწურვით

აშშ გერმანიიდან 5000 ჯარისკაცს გაიყვანს

საპატრიარქო - ვხედავთ შემთხვევებს, როცა ეკლესიის არაკეთილმოსურნენი ყველა ღონეს ხმარობენ, რათა საზოგადოებაში დააკნინონ სინოდის სხდომის მიმართ სამართლიანობის განცდა

აშშ-ის კონგრესში წარადგინეს რეზოლუცია ჟურნალისტების უფლებების დაცვის შესახებ, სადაც მზია ამაღლობელიც არის ნახსენები