2016-10-04 10:32:29, 1365 ნახვა
ეკონომიკა
საქართველოს თურქეთის საბაჟო საკითხთა და ვაჭრობის მინისტრი ეწვია
თბილისში ფინანსთა მინისტრ ნოდარ ხადურის მოწვევით, ორდღიანი სამუშაო ვიზიტით, თურქეთის რესპუბლიკის საბაჟო საკითხთა და ვაჭრობის მინისტრი, ბიულენთ თუფენქჯი ჩამოვიდა.
თბილისის საერთაშორისო აეროპორტში სტუმარს ფინანსთა მინისტრის მოადგილე ლაშა ხუციშვილი დახვდა.
ფინანსთა სამინისტროს ინფორმაციით, თურქული დელეგაციის შემადგენლობაში არიან თურქეთის საბაჟო საკითხთა და ვაჭრობის სამინისტროს წარმომადგენლები, მათ შორის, საბაჟო, ევროკავშირთან და საგარეო თანამშრომლობის დირექტორატების ხელმძღვანელები.
თურქეთის რესპუბლიკის საბაჟო საკითხთა და ვაჭრობის მინისტრი თბილისს მეუღლესთან და შვილთან ერთად ესტუმრა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
