გამაცილეთ ლოცვით, რომ  შევძლო მშვიდობის, ერთიანობისა და შერიგების დათესვა, - ამის შესახებ რომის პაპმა ფრანცისკე პირველმა Twitter-ის საკუთარ გვერდზე დაწერა.

“დღეს მივემგზავრები საქართველოსა და აზერბაიჯანში. გთხოვთ, გამაცილეთ თქვენი ლოცვით, რომ  შევძლო მშვიდობის, ერთიანობისა და შერიგების დათესვა”, - წერს პანტიფიკოსი.

ცნობისთვის, რომის პაპს თბილისის საერთაშორისო აეროპორტში 15:00 საათზე ელოდებიან.

პირველივე დღეს, პაპი გიორგი მარგველაშვილთან, მთავრობის სხვა წარმომადგენლებთან, დიპლომატიურ კორპუსთან და სამოქალაქო საზოგადოებასთან, პრეზიდენტის სასახლეში გამართავს შეხვედრას.

პირველივე დღეს პაპი ასევე ეწვევა საპატრიარქოს, სადაც მართლმადიდებელი ეკლესიის კათოლიკოს პატრიარქს ილია მეორეს შეხვდება.

მეორე დღეს, 1-ელ ოქტომბერს, რომის პაპი მიხეილ მესხის სახელობის სტადიონზე მესას აღავლენს, რის შემდეგაც მცხეთაში, სვეტიცხოვლის საკათედრო ტაძარს მოინახულებს.

2 ოქტომბერს პაპი ფრანციკე ბაქოში გაემგზავრება, სადაც პრეზიდენტ ილჰამ ალიევს, კავკასიის მუსლიმთა სამმართველოს ხელმძღვანელობას, რუსული მართლმადიდებელი ეკლესიის წამომადგენლებსა და ებრაულ სათვისტომოს შეხვდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პერმს ტუაფსეს მსგავსი ეკოლოგიური კატასტროფა ელის

ზურაბიშვილი რეჟიმის მიერ ვენახის გაშენების აკრძალვაზე - დავბრუნდით შაჰ-აბასისა თუ საბჭოთა დროს

რუსეთის მიერ უკრაინაში დადასტურებულმა დანაკარგებმა 216 000 ადამიანს გადააჭარბა.

კრემლის ჩინეთის გავლით ტექნოლოგიების იმპორტზე დამოკიდებულებამ 90%-ს მიაღწია.