თბილისში 7000-მდე აბონენტს ელექტროენერგია არ მიეწოდება.

როგორც „ექსპრესნიუსს“ კომპანია „თელასის“ საზოგადოებასთან ურთიერთობის სამსახურში განუცხადეს, ქალაქში შექმნილი საცობების გამო, დაზიანების ადგილებზე ბრიგადები დროულად მისვლას ვერ ახერხებენ.

"7 000-მდე მომხმარებელია დარჩენილი, ვისაც არ მიეწოდება ელექტროენერგია. ეს არის ნაძალადევი, საბურთალო, ავლაბარი. რამდენიმე ფიდერია დაზიანებული, მაგრამ ართულებს ამის აღმოფხვრას ის, რომ ჩვენი ბრიგადები ვერ მიდიან დროულად დაზიანების ადგილზე, საცობების გამო გადაადგილება შეფერხებულია",- აცხადებენ „თელასში“.

ცნობისთვის, უამინდობამ თბილისს პრობლემები შეუქმნა.

როგორც "ექსპრესნიუსს" საგანგებო სიტუაციების მართვის სამსახურში განუცხადეს, ძლიერი წვიმის შედეგად,  ისანი-სამგორისა და დიდუბე-ჩუღურეთის  რაიონში საცხოვრებელი  სახლები დაიტბორა. ამ დროისთვის, შესაბამისი სამსახურების მიერ, წყლის ამოტუმბვითი სამუშაოები მიმდინარეობს.

გარდა ამისა, დატბორილია ვაკე-საბურთალოს დამაკავშირებელი მაგისტრალი, გმირთა მოედანი, რუსთაველის გამზირი და მიმდებარე ქუჩები.

სინოპტიკოსების ცნობით, ნალექიანი ამინდები მთელი საქართველოს მასშტაბით, 25 სექტემბრამდე შენარჩუნდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საპატრიარქოს ტახტის მოსაყდრე შიომ საპატრიარქოში ოცნების საგარეო მინისტრი, მაკა ბოჭორიშვილი მიიღო

ყარაბაღის შესახებ მიღებული რეზოლუციის გამო აზერბაიჯანი ევროპარლამენტთან კავშირს წყვეტს

თიბისი კაპიტალმა უზბეკეთის საინვესტიციო გარემოს შესახებ მაკროეკონომიკური განახლება გამოაქვეყნა

საკულტო მოდელით შთაგონებული: ახალი Cayenne Coupé Electric