ყვარლის რაიონში, სოფელ შილდის მიმდებარედ ტყეში ახალგაზრდა მამაკაცის ცხედარი ხეზე ჩამოკიდებული იპოვეს.

როგორც თვითმხილველები აცხადებენ, გარდაცვლილი, მათივე თანასოფლელი, 26 წლის ლექსო პეტრუზაშვილია.

სოფელ შილდის ტერიტორიული ორგანოს რწმუნებულის, ლევან ხუციშვილი განცხადებით, გარდაცვლილი მამაკაცი ტყეში საკუთარი ოჯახის საქონელს მწყემსავდა.

"ვიცით, რომ მის ოჯახს საქონელი ჰყავდა და ლექსოც ხშირად დადიოდა ამის გამო სოფელთან ახლოს ტყეში. სამწუხაროდ, ახალგაზრდა ბიჭი რამდენიმე საათის წინ იპოვეს ხეზე ჩამოკიდებული, თუმცა რა ვითარებაში მოხდა მისი გარდაცვალება, ანუ მკვლელობაა თუ თვითმკვლელობა ამას შესაბამისი ორგანოები დაადგენენ", - აცხადებს ლევან ხუციშვილი.

ამ დროისთვის ადგილზე მობილიზებული არიან სამართალდამცავები. მომხდართან დაკავშირებით აღძრულია სისხლის სამართლის საქმე და მოკვლევას ყვარლის პოლიციის სამმართველო აწარმოებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სუს-ში მდინარაძის ყოფილი მოადგილე ფინანსთა სამინისტროს საგამოძიებო სამსახურის უხელმძღვანელებს

10-ჯერ მეტი MR ქულა მაისში - „თეგეტა მოტორსში“ AmEx ბარათით გადახდა უკვე შესაძლებელია

კალაძე აშშ-სთან ურთიერთობის გადატვირთვაზე: კობახიძეს რუბიოსთან სატელეფონო საუბარი ჰქონდა, მაისში დელეგაციასაც ველოდებით, პოზიტიური მოლოდინები გვაქვს

ქუთაისში დაჭრილი კაცი კლინიკაში გარდაიცვალა, ორი პირი დააკავეს