2016-09-13 20:46:25, 780 ნახვა

---

რუსთავში „თავისუფალი დემოკრატების“ მაჟორიტარი დეპუტატობის კანდიდატმა ,,ოცნების“ სასარგებლოდ კანდიდატურა მოხსნა

„თავისუფალი დემოკრატების“ მაჟორიტარი დეპუტატობის კანდიდატმა რუსთავის #30 მაჟორიტარულ ოლქში თეიმურაზ მენაფირემ, საპარლამენტო არჩევნებში საკუთარი კანდიდატურა ,,ქართული ოცნებიდან" მაჟორიტარობის კანდიდატის, გიორგი ბეგაძის სასარგებლოდ მოხსნა. ამის შესახებ განცხადება, დეპუტატობის კანდიდატმა ცოტა ხნის წინ, საკუთარი საარჩევნო შტაბის წინ გამართულ სპეციალურ ბრიფინგზე, მხარდამჭერებთან ერთად გააკეთა.

მისი განცხადებით, ის აღარ ეთანხმება ,,თავისუფალი დემოკრატების" მიერ არჩეულ პოლიტიკურ კურსს და მიაჩნია, რომ პარტიის ლიდერი ამ კურსით ,,ნაციონალურ მოძრაობას" აძლიერებს. 

ცნობისთვის, თეიმურაზ მენაფირე ,,თავისუფალი დემოკრატების" რუსთავის ორგანიზაციის თავმჯდომარეც იყო. მასთან ერთად დღეს პარტია სხვა წევრებმაც დატოვეს. როგორც დღევანდელი ბრიფინგის მონაწილეები აცხადებენ, მენაფირესთან ერთად, პარტიის რუსთავის ორგანიზაცია დღეს 270-მდე წევრმა დატოვა.

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი