აშშ-ის კონგრესში საქართველოს ტერიტორიული მთლიანობის მხარდამჭერ ორპარტიულ რეზოლუციას უყრიან კენჭს

2016-09-07 18:52:09, 696 ნახვა

პოლიტიკა

აშშ-ის კონგრესის წარმომადგენელთა პალატაში დღეს, საქართველოს ტერიტორიული მთლიანობის მხარდამჭერ ორპარტიულ რეზოლუციაზე კენჭისყრაა დაგეგმილი. ამის შესახებ "ექსპრენიუსს" საგარეო საქმეთა სამინისტროდან აცნობეს.

აღსანიშნავია, რომ რეზოლუცია, რომელიც საქართველოს მეგობართა ჯგუფის თანათავმჯდომარეების ტედ პოსა (რ-ტეხასი) და ჯერალდ კონოლის (დ-ვირჯინია) მიერ არის ინიცირებული, კონგრესის საგარეო ურთიერთობათა კომიტეტმა მ.წ. 14 ივლისს ერთხმად მიიღო.

წარმომადგენელთა პალატის საბოლოო კენჭისყრაზე დღეს რეზოლუციას 31 თანასპონსორი (კონგრესმენმა) წარადგენს, როგორც დემოკრატიული, ასევე რესპუბლიკური პარტიიდან.

რეზოლუცია აშშ-ის კონგრესის მიერ საქართველოსადმი და მისი ტერიტორიული მთლიანობისადმი მრავალი წლის განმავლობაში გაწეული თანადგომის უმნიშვნელოვანესი გამოხატულებაა, რომელიც კიდევ ერთხელ ხაზს უსვამს საქართველოსადმი აშშ-ის პოლიტიკური მხარდაჭერის მაღალ დონეს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან