"ქართული ოცნება - დემოკრატიული საქართველოს“ ახმეტის მაჟორიტარი დეპუტატობის კანდიდატი გელა სამხარაული წინასაარჩევნო შეხვედრებს განაგრძობს.

 ამჯერად იგი ვარდისუბნისა და გულგულას სოფლების მოსახლეობას შეხვდა. საუბარი აღნიშნულ სოფლებში არსებულ საჭიროებებს შეეხო. ადგილობრივთა განცხადებით, ძირითადი საკითხები ინფრასტქრუქტურული ხასიათისაა და წყალს, შიდასაუბნო გზებსა და გარეგანათებას უკავშირდება.

 დეპუტატობის კანდიდატმა მოსახლეობასთან ინტენსიური კომუნიკაციისთვის მუდმივი მზაობა დააფიქსირა და ვრცლად მიმოიხილა ამ სოფლებში უკვე განხორციელებული თუ დაგეგმილი პროექტები. მისივე თქმით, მუნიციპალიტეტის მასშტაბით, სარემონტო- სარეაბილიტაციო სამუშაოები ყველა საბავშვო ბაღს ჩაუტარდა, მოწესრიგდა საგზაო ინფრასტრუქტურა, მიმდინარეობს აქტიური მუშაობა სასმელი წყლის ქსელების მოსაწესრიგებლად.

 „მსგავსი პროექტები ეტაპობრივად მუნიციპალიტეტის ყველა სოფელში განხორციელდება. მე კარგად მესმის ის საჭიროებები, რაც თითოეული თქვენგანისთვის მნიშვნელოვანია. ყველა ადგილზე არსებული პრობლემური საკითხი ეტაპობრივად მოგვარდება, რადგან სოფლად მცხოვრები მოსახლეობისთვის კარგი საცხოვრებელი პირობების შექმნა და ზოგადად, ძლიერი სოფელი ჩვენი ხელისუფლების ერთ- ერთი მთავარი პრიორიტეტია”,- განაცხადა გელა სამხარაულმა.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კალაძე ოპოზიციას ისევ მოღალატეებს და მტრებს უწოდებს

ივანიშვილის წარმომადგენელს წილოსანს მიაჩნია, რომ სასქართველოში საწვავის ფასი არაა ევროპის ფასებზე მეტი

მთავრობამ მიიღო რეპრესიული „უცხოელი აგენტების“ კანონიც კი, რომელიც მედიის დირექტორებს სისხლისსამართლებრივ პასუხისმგებლობას აკისრებს - RSF

სიძულვილის ენა და დეზინფორმაცია ფართოდაა გავრცელებული ქართულ მედიაში - რეპორტიორები საზღვრებს გარეშე