ახალგაზრდობის საერთაშორისო დღეს, სასტუმროში Holiday Inn,  ახალგაზრდებთან მომუშავე სამთავრობო უწყებებისა და საერთაშორისო და არასამთავრობო ორგანიზაციების წარმომადგენლების საკოორდინაციო შეხვედრა გაიმართა.

დანაშულის პრევენციის ცენტრის ინფორმაციით, შეხვედრის მიზანია ახალგაზრდებთან მომუშავე ორგანიზაციების კოორდინირებული მუშაობის ხელშეწყობა. 

მათივე ცნობით, ღონისძიების მონაწილეებმა საკუთარი საქმიანობის შესახებ მოკლე პრეზენტაციები წარმოადგინეს, რის შემდეგაც ახალგაზრდების, მათი როლისა და საჭიროებების შესახებ ეფექტიანი თანამშრომლობის ხედვა შეიმუშავეს. 

დისკუსიის რეჟიმში განიხილეს არსებული პრობლემები და მათი დაძლევის საშუალებები. შეხვედრას საქართველოს სპოტისა და ახალგაზრდობის მინისტრის მოადგილე რევაზ ჯაველიძე, იუსტიციის სამინისტროს სსიპ „დანაშაულის პრევენციის ცენტრის“ წარმომადგენლები და  40-მდე არასამთავრობო ორგანიზაციის ხელმძღვანელები დაესწრნენ.

შეხვედრის ინიციატორია საერთაშორისო ორგანიზაცია ,,World Vision” საქართველო, იუსტიციის სამინისტროს „დანაშაულის პრევენციის ცენტრი“ და სპორტისა და ახალგაზრდობის საქმეთა სამინისტრო. 
შეხვედრის მხარდამჭერია USAID-ის პროექტი ,,ZRDA” საქართველოში.

ღონისძიება იმართება ევროკავშირის  მიერ დაფინანსებული პროექტის  ფარგლებში ,,სკოლის ახალგაზრდული ჯგუფების მხარდაჭერა მდგრადი და ეფექტური გადაწყვეტილებებისათვის”, რომელსაც ახორციელებს საერთაშორისო ორგანიზაცია ,,World Vision” საქართველო.

ახალგაზრდობის საერთაშორისო დღე გაეროს მიერ მიღებული რეზოლუციის თანახმად, 2000 წლიდან, 12 აგვისტოს ყოველწლიურად აღინიშნება.

(NS) 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

"გოგოების გზა ტექნოლოგიებში" - "თეგეტა ჰოლდინგი" გაეროს ქალთა ორგანიზაციის საერთაშორისო კონფერენციას შეუერთდა

საქართველოს ბანკი მსოფლიოში საუკეთესო ფინანსური ინოვაციების ლაბია - Global Finance

საქართველოს ბანკი, Superteam Georgia-თან პარტნიორობით, Solana-ს ყველაზე დიდი ჰაკათონის მხარდამჭერია

მამუკა მდინარაძე სამართალდამცავი ორგანოების კოორდინაციის საკითხებში სახელმწიფო მინისტრად დაინიშნა