თბილისის ხუთ საბავშვო ბაღში ძველი ფასადები რემონტდება.

როგორც "ექსპრესნიუსს" თბილისის მერიიდან აცნობეს, პირველ ეტაპზე, იმ  ბაღების ფასადები კეთდება, რომლებშიც  ყველაზე საგანგაშო მდგომარეობა იყო.  ესენია:  №197, №54, №112, №121 და №115 საბავშვო ბაღები.  

სამუშაოები მოიცავს კედლიდან ძველი ნალესის მოხსნას, ფასადის კედლების შელესვას, დამუშავებასა და შეღებვას, ფასადის ფანჯრებზე საცრემლეების მოწყობას, კედლების მობათქაშებას, საევაკუაციო კიბის შეღებვას. 

სამუშაოების მთლიანი ღირებულება 181 900 ლარს შეადგენს. მიმდინარე სამუშაოები #115-ე საბავშვო ბაღში სამგორის გამგებელმა გიორგი ბაგრატიონმა და

ბაღების სააგენტოს ხელმძღვანელმა თემურ თორდინავამ მოინახულეს. აღნიშნულ ბაღში ფასადის გარდა შიდა სარემონტო სამუშაოებიც მიმდინარეობს. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ოდესაში, რუსული სამხედრო თავდასხმის შედეგად 16 ადამიანი დაშავდა

აშშ-ს სურს ჰორმუზის სრუტისთვის ახალი კოალიციის შექმნა - The Wall Street Journal

შსს-ს გენერალური ინსპექციის უფროსმა, დავით არჩვაძემ თანამდებობა დატოვა

ბოჭორიშვილი: მოსკოვის მექანიზმი პოლიტიკური მიზნებისთვის ამოქმედებული ინსტრუმენტია