2016-04-22 12:45:41, 415 ნახვა
პოლიტიკა
კახა კალაძე არ გამორიცხავს, საარჩევნო სიაში იყოს
საქართველოს ენერგეტიკის მინისტრი, ვიცე-პრემიერი კახა კალაძე არ გამორიცხავს, რომ „ქართული ოცნების“ საარჩევნო სიაში იყოს. ამის შესახებ კახა კალაძემ ჟურნალისტებს დღეს განუცხადა.
მისივე თქმით, საარჩევნო სიაში შესაძლებელია, სხვა მინისტრებიც მოხვდნენ.
„რაც შეეხება საპარლამენტო სიებს, ჯერ არის დრო და უახლოეს მომავალში, როდესაც იქნება გადაწყვეტილება და შეთანხმება, წარმოგიდგენთ იმ პიროვნებებს, რომლებიც შევლენ სიაში. არ არის გამორიცხული, სიაში მეც ვიყო, შეიძლება, სხვა მინისტრებიც იყვნენ, ამაზე მსჯელობა იქნება აუცილებლად“, - განაცხადა კალაძემ.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
