კანადაში დღეს ვადამდელი საპარლამენტო არჩევნები გაიმართება. კანადელები ხმის მიცემას იწყებენ ქვეყნის აღმოსავლეთით მდებარე პროვინციაში, ნიუფაუნდლენდსა და ლაბრადორში, სადაც საარჩევნო უბნები ადგილობრივი დროით დილის 08:30 საათზე გაიხსება.

როგორც „ბიბისი“ წერს, სულ მცირე 7.3 მილიონმა ამომრჩეველმა გადაწყვიტა ადრეული ხმის მიცემა, რაც 25%-ით მეტია 2021 წლის ფედერალურ არჩევნებთან შედარებით. ვარაუდობენ, რომ არჩევნების დღეს რეკორდული აქტივობა იქნება.

კანადაში რეგისტრირებულია 16 პარტია, თუმცა გამოკითხვების თანახმად, მათგან მხოლოდ ხუთს აქვს პარლამენტში მოხვედრის რეალური შანსი: მოქმედი პრემიერ-მინისტრის, მარკ კარნის ხელმძღვანელობით „ლიბერალურ პარტიას“, პიერ პოლიეფის ხელმძღვანელობით ოპოზიციურ კონსერვატიულ პარტიას, ასევე ახალ დემოკრატიულ პარტიას, მწვანეთა პარტიას და სეპარატისტულ კვებეკის ბლოკს.

მიუხედავად იმისა, რომ წლის დასაწყისში გამოკითხვებში კონსერვატორები ლიდერობდნენ, ლიბერალური პარტია ამჟამად არჩევნების მთავარ ფავორიტად ითვლება, რომელსაც ახალ პარლამენტში ადგილების უმრავლესობის მოპოვების მაღალი შანსი აქვს. არჩევნების საბოლოო შედეგები, სავარაუდოდ, სამშაბათს ღამით გახდება ცნობილი.

ავტორი: ექსპრესნიუსი,

სოციალური ქსელები

ტრამპმა ისრაელსა და ირანს შორის საჰაერო დარტყმების ერთკვირიანი შეჩერება გამოაცხადა

მიგრაციის დეპარტამენტის თანამშრომლებმა უცხო ქვეყნის 84 მოქალაქე საქართველოდან გააძევეს

ევროკავშირის ანგარიშის გამოქვეყნებამდე, ბოჭორიშვილი ამ ანგარიშს არასერიოზულს და ტყუილს უწოდებს

ბოჭორიშვილი: შეხვედრა, რომელსაც ითვალისწინებს ევროკავშირის რეგულაცია, გაიმართება სამუშაო დონეზე და ქართული მხარის მოლოდინია, რომ იქნება კონსტრუქციული