საქართველოს მთავრობის ადმინისტრაციასთან, მთავრობის სხდომის პარალელურად, მედიის სფეროს წარმომადგენლები საპროტესტო აქციას, ლოზუნგით - „თავისუფლება „ნეტგაზეთისა“ და „ბათუმელების“ დამფუძნებელს მზია ამაღლობელს“ მართავენ.

აქციაზე ჟურნალისტ მზია ამაღლობელის მხარდასაჭერად და გათავისუფლების მოთხოვნით სხვადასხვა მედია საშუალებების წარმომადგენლები იმყოფებიან.

ისინი მთავრობის წევრებისგან მოითხოვენ, რომ საქართველოს პროკურატურამ დააყენოს ახალი შუამდგომლობა - მზია ამაღლობელის მიმართ აღკვეთის ღონისძიება- პატიმრობა- უფრო მსუბუქი აღკვეთის ღონისძიებით სახით შეიცვალოს.

ისინი სკანდირებენ - „თავისუფლება მზიას“. ასევე გაშლილი აქვთ ბანერი - „თავისუფლება „ნეტგაზეთისა“ და „ბათუმელების“ დამფუძნებელს მზია ამაღლობელს“.

აქციის მონაწილეები მოუწოდებენ ასევე, სპეციალურ საგამოძიებო სამსახურს, აღნიშნული საკითხით დაინტერესებისკენ და მზია ამაღლობელის მიმართ განხორციელებული არასათანადო მოპყრობის ფაქტის გამოძიებისკენ.

ადგილზე მობილიზებულია საპატრულო პოლიციის რამდენიმე ეკიპაჟიც.

ავტორი: ექსპრესნიუსი,

სოციალური ქსელები

რატომ ასამარებს ივანიშვილის რეჟიმი საქართველოს განათლების მყიფე რეპუტაციას, ბარიერები უცხოელი სტუდენტებისთვის

ივანიშვილის პარლამენტში თავისუფალი და კრიტიკული მედიის და ჟურნალისტების აკრედიტაცია შეუძლებელი ხდება

ცხინვალის დე ფაქტო პრემიერ-მინისტრმა თანამდებობა დატოვა.

ბოჭორიშვილი - საქართველოს ტერიტორიის ოკუპაცია მთელი რეგიონისთვის უსაფრთხოების გამოწვევას წარმოადგენს