საქალაქო სასამართლოს ეზოში შეკრებილებმა, აქციებზე დაკავებული 8 პირის პატიმრობაში დატოვება გააპროტესტეს. დაცვის სამსახურის თანამშრომლები ფოიედან პატიმრების მხარდამჭერებს აძევებდნენ.

ერთ-ერთი მოქალაქე მანდატურს ძალის გადამეტებაში ადანაშაულებს და აცხადებს, რომ დაცვის თანამშრომელმა ხელი ზურგში ჩაარტყა. 

სასამართლოში მიღებული გადაწყვეტილების შემდეგ, თორნიკე გოშაძის დედა კომენტარს აკეთებს - პატიმრის მშობელი აცხადებს, რომ მოსამართლე ირაკლი ხუსკივაძის მიერ გამოტანილი განაჩენი მოულოდნელი არ ყოფილა.

"ესენი არ არიან ადამიანები, ესენი არიან საქონლები" - ამბობს თორნიკე გოშაძის დედა და ასევე საკუთარ შვილს მიმართავს - "მე არაფრის მეშინია, ყველაფერს გავაკეთებ, რომ ჩემ გვერდით იყო".

პატიმრების მხარდასაჭერად დაკავებული ჟურნალისტის, ნიკა კაციას ძმაც იმყოფება. 

როგორც ლაშა კაცია "პირვლებეთან" ამბობს, არანაირი მოლოდინი არ აქვს გარდა იმისა, რომ "რეჟიმი ჩამოემხობა და "ქართული ოცნება" ერთხელ და სამუდამოდ დასრულდება".

ერთადერთი მიზეზით ვარ აქ, ის ადამიანები, ვინც ამ რეჟიმმა დაატყვევა, მათ მხარდასაჭერად. ყველანი ჩემი ძმები არიან, ყველანი ჩემი მეგობრები არიან და მათთან ერთად, მათი თავისუფლებისთვის და საქართველოსთვის ვიბრძვი მეც, მეტი არაფერი. მოლოდინი, რაც შეეხება არაფრის მოლოდინი არ მაქვს აბსოლუტურად, მაქვს იმ დღის მოლოდინი, როცა ეს რეჟიმი ჩამოემხობა და დამთავრდებიან ერთხელ და სამუდამოდ'', - ამბობს ლაშა კაცია.

მოსამართლე ირაკლი ხუსკივაძემ, პროევროპული აქციების დროს უკანონოდ დაკავებული ბრალდებულები - ვეფხია კასრაძე, ზვიად ცეცხლაძე, ვასილ კაძელაშვილი, გიორგი გორგაძე, ირაკლი მიმინოშვილი, ინსაფ ალიევი, თორნიკე გოშაძე, ნიკოლოზ ჯავახიშვილი პატიმრობაში დატოვა.

ავტორი: ექსპრესნიუსი,

სოციალური ქსელები

ტრამპმა ისრაელსა და ირანს შორის საჰაერო დარტყმების ერთკვირიანი შეჩერება გამოაცხადა

მიგრაციის დეპარტამენტის თანამშრომლებმა უცხო ქვეყნის 84 მოქალაქე საქართველოდან გააძევეს

ევროკავშირის ანგარიშის გამოქვეყნებამდე, ბოჭორიშვილი ამ ანგარიშს არასერიოზულს და ტყუილს უწოდებს

ბოჭორიშვილი: შეხვედრა, რომელსაც ითვალისწინებს ევროკავშირის რეგულაცია, გაიმართება სამუშაო დონეზე და ქართული მხარის მოლოდინია, რომ იქნება კონსტრუქციული