2025-01-08 16:28:15, 552 ნახვა
საზოგადოება
საზოგადოებრივი მაუწყებლის თანამშრომლების ნაწილი, დღის სატელევიზიო ეთერს ითხოვს
საზოგადოებრივი მაუწყებლის თანამშრომელთა ნაწილი დღის სატელევიზიო ეთერს ითხოვს და აცხადებს, რომ მაუწყებელი თავის მთავარ მისიას უნდა დაუბრუნდეს. ამის შესახებ თანამშრომლები ვიდეომიმართვას სოციალურ ქსელში ავრცელებენ.
მათი თქმით, პოლარიზებულ მედიაში გადამწყვეტად მნიშვნელოვანია საზოგადოებრივი მაუწყებლის სწორი მუშაობა და მათ არხზე უნდა ისმოდეს იმ ადამიანების ხმა, ვისაც სამსახურიდან პოზიციის დაფიქსირების გამო უშვებენ.
"საზოგადოებრივი მაუწყებლის თანამშრომელთა ნაწილი ვითხოვთ დღის სატელევიზიო ეთერს! მაუწყებელი უნდა დაუბრუნდეს თავის მთავარ მისიას – იყოს სანდო, მიუკერძოებელი და საზოგადოებისთვის მნიშვნელოვან საკითხებზე ორიენტირებული," - აცხადებენ მაუწყებლის თანამშრომლები.
ავტორი: ექსპრესნიუსი,
epn.ge (@expressnews.ge)
