2023-03-27 10:44:15, 1364 ნახვა
მსოფლიო
ჩრდილოეთ კორეამ კორეის ნახევარკუნძულის აღმოსავლეთ წყლებში 2 ბალისტიკური რაკეტა ისროლა
ჩრდილოეთ კორეამ, წვრთნების გასაპროტესტებლად, კორეის ნახევარკუნძულის აღმოსავლეთ წყლებში ორი ბალისტიკური რაკეტა ისროლა. აღნიშულ ინფორმაციას Reuters-ი ავრცელებს.
სამხრეთ კორეის გაერთიანებული შტაბის ცნობით, რაკეტები ჩრდილოეთ კორეის პროვინცია ჰვანჰაედან, ორშაბათს, ადგილობრივი დროით 08:00 საათისთვის გაისროლეს.
იაპონიის ხელისუფლება აცხადებს, რომ ჩრდილოეთ კორეის მიერ ნასროლმა რაკეტებმა „უჩვეულო ტრაექტორიით“ 50 კილომეტრის სიმაღლეზე, 350 კილომეტრის მანძილზე იფრინეს.
ცნობისთვის, სამხრეთ კორეა და აშშ 2017 წლის შემდეგ ყველაზე მასშტაბურ ერთობლივ სამხედრო წვრთნებს მართავენ.
ავტორი: ექსპრესნიუსი,
epn.ge (@expressnews.ge)
